Monday, April 27, 2015

கொள்ளு தோசை/ கொள்ளு-ப்ரவுன் ரைஸ் தோசை

தோசையில் உளுந்துக்கு பதிலாக கொள்ளு சேர்த்து செய்த தோசை, இட்லி அரிசி/புழுங்கல் அரிசிக்கு பதிலாக "கைக்குத்தல் அரிசி"/ப்ரவுன் ரைஸ் சேர்த்து செய்தது இந்த தோசை. எப்படியும் இட்லி தோசைய நம்ம டயட்-ல இருந்து விலக்க முடியாது என்று இருப்பதால.. அட்லீஸ்ட் கில்ட் ஃப்ரீயாச் சாப்பிடலாமே!! எங்க வீட்டில வாரத்துக்கொருமுறை இந்த தோசையும், கீன்வா-ப்ரவுன் ரைஸ் தோசையும் மாற்றி மாற்றி இடம் பிடிக்கின்றன இப்போது. நீங்களும் செய்து பார்த்துச் சொல்லுங்களேன்! 

தேவையான பொருட்கள்
ப்ரவுன் ரைஸ் - 2 கப்
வெந்தயம்-1டீஸ்பூன்
கொள்ளு-1/2கப்
உப்பு 

செய்முறை
1. ப்ரவுன் ரைஸ், வெந்தயம் இரண்டையும் நன்றாக 2-3 முறை களைந்து சுமார் 6 மணி நேரம் ஊறவைக்கவும்.
2. கொள்ளையும் நன்றாக களைந்து ஆறு மணி நேரம் ஊறவைக்கவும். 
3. க்ரைண்டரில் கொள்ளை சேர்த்து கொஞ்சம் கொஞ்சமாகத் தண்ணீர் தெளித்து அரைக்கவும். மாவு சும்மா பொங்கிப் பொங்கி வந்தது. க்ரீம் மாதிரி எப்படி நிற்குது பாருங்க கிண்ணத்தில்!! ;)  
 4. கொள்ளை சுமார் 20 நிமிடங்கள் அரைத்து எடுக்கவும்.
5. அரிசி-வெந்தயத்தையும் தேவையான தண்ணீர் விட்டு நன்கு அரைத்தெடுத்து கொள்ளுடன் சேர்த்து, தேவையான உப்பும் சேர்த்து கலந்து புளிக்க விடவும்.
6. மாவு புளித்ததும் கொஞ்சம் மாவை எடுத்து தேவைக்கு தண்ணீர் சேர்த்து கலந்து தோசைகளாக வார்க்கவும்.
7. சுற்றிலும் எண்ணெய் விட்டு வேகவைத்து எடுக்கவும்.
8. சுவையான கொள்ளு தோசை தயார். நல்ல காரசாரமான சட்னியுடன் சாப்பிட சுவையாக இருக்கும்.
குறிப்பு
ஊறிய கொள்ளை அரை மணி நேரம் ஃப்ரிட்ஜில் வைத்தும் அரைக்கலாம்..நன்றாக மாவு காணும்.
இந்த மாவில் இட்லி செய்ய முடியாதா எனக் கேட்பவர்களுக்கு...நான் செய்து பார்க்கலை, அதனால் தெரியவில்லை. ;) :) 
இந்த தோசைக்கு தேங்காய்ச்சட்னியை விட, நல்ல புளிப்பான தக்காளிச் சட்னி, அல்லது காரசாரமான சட்னி, குழம்புவகைகள் நன்றாக இருக்கும். 

Tuesday, April 14, 2015

தமிழ்ப் புத்தாண்டு வாழ்த்துக்கள்!


அனைவருக்கும் இனிய தமிழ்ப்புத்தாண்டு வாழ்த்துக்கள்!

Tuesday, April 7, 2015

வெண்ணை முறுக்கு / Butter Murukku

எங்க வீட்டுப்பக்கம் முறுக்கு என்றால் புழுங்கல் அரிசியை ஊறவைத்து அரைத்து, பொட்டுக்கடலை மாவு சேர்த்துச் செய்வதுதான் வழக்கம். இங்கே கடையில் கிடைக்கும் அரிசிமாவை உபயோகித்தும் எப்பொழுதாவது செய்வேன். இந்த முறையில் பொ.கடலை மாவுடன் வெண்ணெயும், கூடவே காய்ச்சிய எண்ணெயும் சேர்ப்பதால் முறுக்கு சும்மா வாயில போட்டா கரைஞ்சு வயித்துக்குள்ள நழுவிரும்! :) ;) செய்து பார்த்து சொல்லுங்க! 
செய்முறை
அரிசிமாவு-2 கப் 
பொட்டுக்கடலை-சுமார் 3/4கப் (மிக்ஸியில் நைஸாக அரைத்து எடுத்துக்கொள்ளவும்)
மிளகாய்த்தூள்-2டீஸ்பூன் (விரும்பினால்)
எள்ளு-1டேபிள்ஸ்பூன்
ஓமம்-1டீஸ்பூன்
பெருங்காயத்தூள்-1/4டீஸ்பூன்
வெண்ணெய்-2டேபிள்ஸ்பூன்
உப்பு 
எண்ணெய்

செய்முறை
வெண்ணெய் அறை வெப்பநிலையில் இருக்குமாறு எடுத்துக்கொள்ளவும்.  எண்ணெய் தவிர எல்லாப் பொருட்களையும் அகலமான பாத்திரத்தில் எடுத்து கைகளால் நன்றாக கலந்துகொள்ளவும்.
 ஒரு டேபிள்ஸ்பூன் எண்ணெயை நன்கு சூடாக்கி மாவில் ஊற்றவும்.
 கொஞ்சம் கொஞ்சமாகத் தண்ணீர் தெளித்து பிசைந்துகொள்ளவும். [2 கப் அரிசிமாவுக்கு ஒரு கப்பிற்கும் கொஞ்சம் அதிகமாகத் தண்ணீர் பிடித்தது.]
 பிசைந்த மாவை முறுக்கு அச்சில் போட்டு காய்ந்த எண்ணெயில் பிழிந்துவிடவும்.
 எண்ணெய் சலசலப்பு அடங்கியதும் முறுக்கை எடுத்து பேப்பர் டவலில் எண்ணெய் வடிய விடவும்.
 சுவையான முறுக்கு தயார். 

LinkWithin

Related Posts with Thumbnails