Sunday, June 30, 2013

பகலில் பௌர்ணமி..

ஜூன் 21 முதல் வட அமெரிக்காவில் அஃபிஷியலாக கோடைக்காலம் துவங்கிவிட்டதால் பகல் நேரம் 14 மணி நேரங்களுக்குக் குறையாமல் இருக்கிறது. காலை 5 மணிக்கே விடியத்துவங்கி இரவு 8 மணிக்கு மேலேதான் சூரியனார் தன் வேலையை முடித்துக்கொண்டு பஸிஃபிக் கடலுக்குள் இறங்குகிறார். இந்த மாதத்தில் 23ஆம் தேதி சூப்பர் மூன் வேறு வந்ததால் இந்த முறை நிலாப்பெண்ணுக்கு ஒரே கொண்டாட்டம்! பகல் ஷிஃப்ட் காரர் வேலை முடித்துக்கொண்டு கிளம்புமுன் இரவு ஷிஃப்ட் ஆள் ஆஜர்!! :) அவர் மேற்கே இறங்க இறங்க, இந்த  அம்மணி கிழக்கே ஏறிக் கொண்டிருந்தார். 

ஜூன் 21ஆம் தேதி மாலை(!) ஏழரை மணிக்கு வழக்கம் போல ஜீனோவும் நானும் வாக் போக கிளம்பினோம். வெளியே வந்து வானத்தைப் பார்த்ததும் அப்படியே ஷாக் அடித்து நின்றுவிட்டேன். பின்னே?! அந்நேரத்துக்கே முழுவட்ட நிலா என்னைப் பார்த்து கண் சிமிட்டியது! உடனடியாக செல்ஃபோன் கேமராவில் சில பல க்ளிக்ஸ்...
இந்தக் கேமராவில் நிலவின் பிரம்மாண்டம் புலப்படவில்லை. நேரில் பார்த்தபோது அற்புதமாக இருந்தது. மேல்வானில் இன்னும் சூரியனின் தாக்கம் குறையாமல் மஞ்சள் வெயில் அடித்துக்கொண்டிருக்க, கிழக்கே நிலா..
இந்தச் சாலை எங்கள் வீட்டருகே முடிவடைந்துவிடும். அடுத்து இருப்பது சிறு மலைக்குன்றுகள் அடங்கிய அவகாடோ தோட்டம். சாலையின் முடிவருகே ஃப்ரெஷ்ஷாகப் பெயிண்ட் அடித்திருந்தார்கள், என்னவென்று பார்த்தால்...
முதலிலேயே இருந்த தகவல்தான், இப்போது மறுபடி புதிதாக எழுதியிருக்கிறார்கள். ஆனால் நான் இவ்வளவு தெளிவாகக் கவனித்தது இப்போதுதான். இங்கிருந்து பஸிஃபிக் கடல் சுமார் 20 மைல் தூரம்தான்!! அதுவரை செல்கிறதாம் இந்தக் கழிவு நீர்க் கால்வாய்!! அவ்வ்வ்....

சரி அதை விடுங்க, நம்ம பகலில் பௌர்ணமிக்கு வருவோம். சூப்பர் மூன் வரப்போகிறது என்று அதற்கு சிலநாட்கள் முன்பாகவே பல்வேறு தகவல்கள்..எப்படி போட்டோ எடுத்தால் நிலா அழகாய் வரும், கேமராவில் என்னென்ன செட்டிங்க்ஸ் வைக்க வேண்டும் என்று யாஹூ-வில் ஒரு ஆர்ட்டிகிள் வந்திருந்தது. என் கை சும்மா இருக்காமல் என்னவருக்கு அந்த லிங்க்-ஐ அனுப்பிவிட்டேன். இனி வரும் படங்கள் ஜூன் 22 இரவு 9 மணி சுமாருக்கு எடுத்தவை.




இந்தப் படத்தைப் பார்த்தால் ஏதோ திரைப்பட செட் போல தெரிந்தது எனக்கு!..உங்களுக்கு எப்படி இருக்கு?! :) 23ஆம் தேதி காலை 4 மணிக்கு நிலா முழுபிரம்மாண்டமாய் இருக்கும் என சொல்லியிருந்தாங்க, ஆனா மிட்நைட் நாலுமணிக்கு எந்திரிக்கறதெல்லாம் நடக்கிற காரியமாங்க?! ;) அதனால் இந்தப் படங்களுடன் நிலவின் தேடலை முடித்துக் கொண்டோம்! :)
~~~
இந்த வருஷக் கேலண்டரில் ஜூன் மாதத்தில் இருக்கும் இந்த கிருஷ்ணர் படம் என்னை மிகவும் கவர்ந்தது. இங்கே "இஸ்கான்" கோயிலில் தந்த மாத நாள்காட்டி இது! படத்திலிருக்கும் கோபாலனும், கோபாலன் மடியில் இருக்கும் கன்றுக்குட்டியும் என்ன ஒரு ஆனந்தமாய் இருக்காங்க! இந்தப் படத்தைத்தான் போன்ல வால்பேப்பரா வைச்சிருக்கேன்! ;)

அடுத்தபடியாக வாசகர்களுக்கொரு கேள்வி...நீலவண்ணக் கண்ணனின் நிறத்திலேயே இந்தப் படத்தில் இருக்கும் பூ என்ன பூ?!
ஒரு க்ளூ கொடுத்துடறேன், இந்தப் பூவில் இருந்து எந்தக் காயும்-கனியும் கிடைக்காது, அழகுக்கு வளர்க்கப் படும் பூவும் கிடையாது! கண்டுபுடிங்க பார்ப்போம்! :) 


சரியாகக் கண்டுபிடித்துச் சொல்பவர்களுக்கு..சுவையான நெய் மைசூர்பா!!

**************
Updated, July 2, 2013
மேலே படத்திலுள்ள வயலட் பூக்கள் பற்றித் தெரிந்த ஆட்கள் யாரும் இப்பதிவினைப் பார்க்கவில்லை என நினைக்கிறேன். //இந்தப் பூவில் இருந்து எந்தக் காயும்-கனியும் கிடைக்காது, அழகுக்கு வளர்க்கப் படும் பூவும் கிடையாது!// என்று சொல்லியிருந்தேன், ஆக மொத்தம் இது விவசாயப் பயிர்தான் என்று அதிலிருந்தே தெரிந்திருக்கும். இது ஒரு கிழங்குவகைங்க!....
....
கரெக்ட்!! உருளைக் கிழங்கேதான்! சரியாக் கண்டுபுடிச்சிட்டீங்க! :)))) 
**************
தோழி ஒருவரின் வீட்டில் முளை வந்த உருளைக் கிழங்குகளை சும்மா விளையாட்டாய் மண்ணில் புதைத்திருக்கிறாங்க, அப்படியே தழைந்துவிட்டது. இலைகள் பார்க்க தக்காளிச் செடியைப் போலிருக்கின்றன. செடியில் அழகான பூக்களும் வந்திருக்கின்றன. முன்னப் பின்ன உருளைக் கிழங்குச் செடிய பக்கத்தில (ஏன், தூரத்தில கூட.. ;)) பார்த்திராத எனக்கு இந்தப் பூக்கள் ஆச்சரியத்தைத் தந்தன. அதான் படமெடுத்துட்டு வந்து இங்கே பதிவும் போட்டேன். அவர்கள் இன்னும் கிழங்கைப் பறிக்கவில்லை, எப்பப் பறிப்பது என தெரியவும் இல்லை என சொன்னாங்க, அதனால் இணையத்தை துருவியதில் அகப்பட்ட இணைப்பு இது! உருளைக் கிழங்கு வளர்க்க ஆர்வமுள்ளோர் தவறாமப் போய்ப் பாருங்க. நன்றி!!

Wednesday, June 26, 2013

சில்லி பரோட்டா

சில்லி பரோட்டாவில் கலர் குடைமிளகாய், வெங்காயத்தாள், கொத்துமல்லித் தழை இவையும் சேர்ந்தால் இன்னும் அருமையாக இருக்கும். இந்தப் பொருட்கள் கைவசம் இல்லாததால் இந்த முறை 'சிம்பிள்' சில்லி பரோட்டாவாக செய்ய வேண்டியதாகி விட்டது. ஆனால் இதுவும் சுவை சூப்பர்தான்! :)  
தேவையான பொருட்கள்
ரெடிமேட் பரோட்டா-4
வெங்காயம் -பாதி
தக்காளி(சிறியதாக)-1
பச்சைமிளகாய்-1
இஞ்சி-பூண்டு விழுது - 1/2டீஸ்பூன்
கறிவேப்பிலை - கொஞ்சம்
மேகி ஹாட் அண்ட் ஸ்வீட் சாஸ்-1டீஸ்பூன்
மிளகாய் தூள் -1/2டீஸ்பூன்
மல்லித்தூள்-1/2டீஸ்பூன்
கறிமசாலா தூள்-1டீஸ்பூன்
மஞ்சள்தூள்-1/8டீஸ்பூன்
உப்பு
எண்ணெய்

செய்முறை
பரோட்டாவை சிறு துண்டுகளாக நறுக்கி வைக்கவும்.
கடாயில் ஒரு டேபிள்ஸ்பூன் எண்ணெய் காயவைத்து நறுக்கிய பரொட்டா துண்டுகளை போட்டு பொன்னிறமாக வறுத்தெடுத்து வைக்கவும்.
தக்காளி - வெங்காயத்தை பெரிய துண்டுகளாக நறுக்கிக் கொள்ளவும்.
பரோட்டாவை வறுத்த கடாயில் இன்னுமொரு டேபிள்ஸ்பூன் எண்ணெய் விட்டு சூடாக்கி இஞ்சி பூண்டு விழுது சேர்த்து வதக்கி, வெங்காயம், பச்சைமிளகாய் துண்டுகள் சேர்த்து ஹை ஃப்ளேமில் ஓரிரு நிமிடம் வதக்கவும்.
பிறகு தக்காளி சேர்த்து குழைய வதக்கி, ம.தூள்-மி.தூள்-மல்லித்தூள்-கறி மசாலாதூள்-உப்பு சேர்த்து பச்சை வாடை போக கிளறவும்.
வறுத்து வைத்த பரோட்டா துண்டுகளைப் போட்டு கலந்துவிடவும்.
தீயைக் குறைத்து வைக்கவும்.  2 நிமிடங்கள் பரோட்டா சூடானதும் நறுக்கிய கறிவேப்பிலை மற்றும் மேகி ஹாட் அண்ட் ஸ்வீட் சாஸ் ஊற்றி கிளறி அடுப்பிலிருந்து இறக்கவும்.
ஆனியன் ரைத்தாவுடன் சூடாகச் சாப்பிட சூப்பராக இருக்கும்.
~~~
இன்றைய இலவச இணைப்பு : எக்லெஸ் மேங்கோ கேக் 
 வாழ்த்துத் தெரிவித்த அனைவருக்கும் நன்றிகள். எதற்காக வாழ்த்து  என்றே தெரியாதவர்களை டீல்ல விட முடியுமா?;)
அதனால என் வலைப்பூவுக்கு வருகை தரும் எல்லாருக்குமாகச் சேர்த்து ஒரு பெரீய்ய எக்லெஸ் மேங்கோ கேக்! என்ஸாய்! :))) 
--------------
வெகுநாட்களாக இந்தப் பாட்டின் சிலவரிகள் மட்டும் மனதில் ஓடிக்கொண்டே இருந்தன, வெற்றிகரமாக இன்று பாட்டைக் கண்டுபிடித்துவிட்டேன்! :) 

Friday, June 21, 2013

கறிப் பொடி & வாழைக்காய் பொடிக்கறி

கறிப்பொடி- தேவையான பொருட்கள்
கடலைப்பருப்பு-1டேபிள்ஸ்பூன்
உளுந்துப்பருப்பு-1டேபிள்ஸ்பூன்
தனியா/கொத்துமல்லி-1டேபிள்ஸ்பூன்
வரமிளகாய்- 8(காரத்துக்கேற்ப குறைத்துக்கொள்ளவும். :)) 
பெருங்காயத் தூள் -1/4டீஸ்பூன்

செய்முறை
எல்லாப் பொருட்களையும் மிதமான தீயில் கருகாமல் வறுத்தெடுக்கவும். 
ஆறியதும் மிக்ஸியில் கரகரப்பான பொடியாக அரைத்துக் கொள்ளவும். இந்த அளவிற்கு சுமார் 1/4கப் அளவிற்கு பொடி கிடைக்கும். மற்ற காய்கறிகளுக்கும் உபயோகிக்கலாம். உருளை- கத்தரி - சேப்பங்கிழங்கு, மற்றும் விரும்பின காய்களில் முயற்சித்துப் பார்க்கலாம் என நினைக்கிறேன். செய்து பார்த்தா நீங்களும் சொல்லுங்க.
வாழைக்காய் பொடிக்கறி -தேவையான பொருட்கள்
வாழைக்காய்-11/2
புளித்தண்ணீர்- 1/4கப்பிற்கும் குறைவாக
கறிப்பொடி -1டேபிள்ஸ்பூன் (சுவைக்கேற்ப கூட்டிக் குறைக்கலாம். :))
நல்லெண்ணெய்-2டேபிள்ஸ்பூன்
உப்பு
கடுகு-1/2டீஸ்பூன்
கறிவேப்பிலை கொஞ்சம்

செய்முறை
புளித்தண்ணீருடன் 13/4கப் தண்ணீர் விட்டு கொதிக்கவிடவும்.
வாழைக்காயைத் தோல் சீவி சிறுதுண்டுகளாக நறுக்கி, நீரில் அலசி கொதிநீரில் சேர்த்து வேகவிடவும்.
கறிப்பொடியை அரைத்து வைக்கவும்.
வாழைக்காய் (குழையாமல்) வெந்து வந்ததும் நீரை வடித்து வைக்கவும்.
நல்லெண்ணெயைக் காயவைத்து கடுகு-உளுந்து-கறிவேப்பிலை தாளித்து, வெந்த வாழைக்காய்த் துண்டுகளைச் சேர்த்து சில நிமிடங்கள் வதக்கவும்.
காய் வதங்கும்போதே கரண்டியால் லேசாக மசித்து விடவும். பிறகு கறிப்பொடி, தேவையான உப்பையும் சேர்த்து கிளறவும்.
கரண்டியால் வாழைக்காய்த்துண்டுகளை லேசாக உடைத்து விட்டு, மிதமான சூட்டில் வதக்கவும்.
காரசாரமான வாழைக்காய் பொடிக்கறி தயார். 

இந்த ரெசிப்பி சொல்லுகிறேன் - காமாட்சி அம்மா அவர்களுடையது. பகிர்வுக்கு நன்றி அம்மா! :) 


Monday, June 17, 2013

பீர்க்கங்காய் பஜ்ஜி

வழக்கமாய் செய்யும் வாழைக்காய்-வெங்காயம்-கத்தரிக்காய் பஜ்ஜிகளில் இருந்து சற்றே வித்யாசமாய் செய்யலாமென்று பீர்க்கங்காயில் பஜ்ஜி செய்தேன். அருமையாக இருந்தது. 

தேவையான பொருட்கள் 
பீர்க்கங்காய் - சிறு துண்டு 
பஜ்ஜி மாவு -1/2 கப் [ரெடிமேட் பஜ்ஜி மிக்ஸ் இல்லை எனில் 1/2 கப் கடலை மாவில் 3 டேபிள்ஸ்பூன் எடுத்துவிட்டு அதற்கு பதிலாக அரிசிமாவை சேர்க்கவும். அதனுடன் தேவையான உப்பு, மிளகாய்ப் பொடி, பெருங்காயத்தூள், ஒரு சிட்டிகை பேக்கிங் சோடா சேர்த்து கலந்து கொள்ளவும்.]
எண்ணெய் - பொரிக்கத் தேவையான அளவு  

செய்முறை 
பீர்க்கங்காயைத் தோல் சீவி மெல்லிய வட்ட வில்லைகளாக நறுக்கிக் கொள்ளவும்.
பஜ்ஜி மாவுடன் தேவையான தண்ணீர் விட்டு கெட்டியான இட்லி மாவு பதத்துக்கு கரைத்துக் கொள்ளவும்.
மிதமான சூட்டில் எண்ணெய் காயவைக்கவும்.
எண்ணெய் காய்ந்ததும், பீர்க்கங்காய் வில்லைகளை பஜ்ஜி மாவில் தோய்த்து பொரித்தெடுக்கவும்.
சூடான சுவையான மொறு மொறு பீர்க்கங்காய் பஜ்ஜி ருசிக்கத் தயார். 
டீ-யும் துணைக்கு சேர்ந்துகொண்டால் பஜ்ஜி காலியாகும் வேகமே தெரியாது. அதனால நிறைய்ய்ய்ய்ய பஜ்ஜி செய்து சாப்புடுங்க! ;) :) 
~~~
இந்தப் பதிவின் இலவச இணைப்பு
சிவப்புப் பூவின் பின்னால் முகத்தை மறைத்துக் கொண்டு மூக்கை மட்டும் நீட்டும் எங்க வீட்டுச் செல்லம்!
:)

Friday, June 14, 2013

My name is..

Hello Ladies and Gentlemen, My name is GENO!  Hope you all know who I am..but lately I came to
know that many of you have a misunderstanding about me and my size. So today I came here to give you guys a short and sweet introduction about me! 
You are seeing my back pose in the above picture[..this is what Mommy always does..she clicks pictures 24/7....errrr!] I guess you can estimate my height and weight. Am a small dog, weighing around 12Lb. By the way, I am fully grown chug dog, and this is my maximum height and weight...So, please guys, don't put comments that I have grown up! I am blushing..you know?! ;) :)

So...this is Mommy transferring my pictures from her phone to Laptop. When ever she sits on the couch, I love to sit on her lap. [I hate these laptops and iPads..they don't let me enjoy the comfort. Grrr!]  Sometimes, I do send messages to Mommy's friends when she is chatting with her buddies! typing is fun! :) 

...hmmm! okay, lets continue...Now Mommy did a google search about my breed and she landed here. You can see lots of details about my breed in that page. But I didn't like that guy in that picture. Why is he starring me like this??! Grrrrrr!...I am sitting real on her Lap, and why does she wanna know from internet than knowing from me??! oh...that link is for you guys, who doesn't know about me and my character.
Its so boring..donno how these human beings are sitting with their laptops all day! As I am on Mommy's lap, I love to have a nap! ;) :) 
 
You wanna know something more about me? ...well, I hate to disclose these details in public, but..its okay! I love to chase rabbits, reptiles [அது ஒண்ணுமில்லீங்க, ஓணான்!!]..love to bark at big dogs[they kinda annoy me..]. I am scared of  room fresheners, nail polish, Dad's perfume, and most importantly, taking bathe! avvvvvv!! Its too cruel to put me in water you know!! 

When I get treats (more than enough), I would hide them in some secret places and eat them latter. I am a veggie lover, I like to eat boiled veggies like broccoli, potato and beans. Dad is my Super Hero, I lovvvvvvve to munch baby carrots when he is having his salad! :P  I play nosy-ball with grapes, I can play and chew my toys all day! ;) :) I like to run in the dog walk, love to go n receive Daddy from parking lot!

...and the video below is one more humiliation to me by Mommy! I thought there is another dog outside the mirror..I don't like any other dog in this house and thats why I bark at him.  But Mommy burst out laughing and started taking video. I love her and am her personal guard dog, I support whatever she does always! So I let her share this video in public. 
While typing this post's title, this song strike Mommy's brain. I too love this song. How about you?

Since I am also a Super Star, I would love to share some good news with all of you. Yeah...our apartment is getting new trees where ever the old trees  were! Mommy is so happy about it and she took lot of pictures. Now over to her..
என்னங்க..ஓவர் பீட்டரா இருக்குதா? ஹி...ஹிஹ்..ஹி! என்ன செய்ய? ஜீனோவுக்கு தமிழ விட இங்கிலிபீஸ் தான் ஃப்ளூயன்ட்டா வருதுன்னு சொல்லிட்டான். அதான், அவனையே பேச வைச்சிட்டேன். ;) :) 

அப்புறம் மரங்கள் வெட்டப்படுவது பற்றி வருத்தப்பட்டிருந்தேன் இல்லையா? அந்த இடங்களில் எல்லாம் புது மரக்கன்றுகள் நட்டிருக்காங்க. பழைய மரங்கள் இருந்ததற்கான சுவடுகளே இல்லை. மண்ணில் இருக்கும் பெரிய மரங்களின் அடித்தண்டை மேலே படத்திலிருக்கும் ஒரு மிஷின் மூலம் பொடிப்பொடியா சிதைச்சுடறாங்க. சில நிமிடங்களில் மரத்தின் வேர் மற்றும் தண்டு இருந்த இடத்தில் மரத்தூள் தான் இருக்கு, அதை அப்படியே அள்ளிப் போட்டுட்டு, அருகில் பள்ளம் தோண்டி புது மரம் நட்டுவிடுகிறார்கள். எவ்வளவு சிம்பிளா வேலைய முடிச்சுடறாங்க என ஆச்சரியமாக இருந்தது! சிறு கன்றுகள் என்பதால் சுற்றுவட்டாரம் கொஞ்சம் வெறிச்-என்றுதான் இருக்கிறது. ஆனால், "சம்திங் இஸ் பெட்டர் தன் நத்திங்"..இல்லைங்களா? :) 
பொறுமையாக ஜீனோ-புராணத்தையும் மரங்களைப் பற்றியும் படிச்சுட்டீங்க..இதோ எங்க ஜீனோவின் ஃபேவரின் ப்ரேக்ஃபாஸ்ட்..சின்னமன் ப்ரெட் டோஸ்ட்! நீங்களும் சாப்பிடுங்க![..தைரியமாச் சாப்பிடலாம், இது எனக்காக செய்ததுதான், அவனுக்கும் பிடிக்கும் என்று ஒரு ஸ்லைஸ் அவனுக்குக் குடுப்பேன். :)]
அனைவருக்கும் இனிய வார இறுதி! 

Tuesday, June 11, 2013

வானம் எனக்கொரு போதிமரம்..

வானம் எனக்கொரு போதி மரம்.. - நாளும்
எனக்கது சேதி தரும்!

அதுக்காக நான் புத்தர் அளவுக்கு பெரிய ஆளெல்லாம் இல்லீங்க! :))))  சிலநாட்கள் முன்பு சென்று வந்த ஒரு பயணத்திலிருந்து ஒரு சில படங்களை இங்கே பகிர்கிறேன்.

பறவைகள் பலவிதம், ஒவ்வொன்றும் ஒரு விதம்!!
தனிமை நாடி ஏகாந்தமாய் சூரிய அஸ்தமனத்தை ரசிக்கும் காதல் ஜோடி... [அவங்களையும் விடாம படம் எடுத்தியான்னு நீங்க பல்லக் கடிக்கிறது கேக்குது, ஆனா நான் வெகு தூரத்திலிருந்துதானுங்க எடுத்தேன், ப்ராமிஸ்! ;) ]
சூரியன் பஸிஃபிக் கடலில் அமிழும் நேரம், வானத்தில் மேகங்கள் நடத்திய ஊர்வலம் அற்புதமாய் இருந்தது!
ட்ரை பாட் சகிதம் என்னவர் கேமராவுடன் பிஸியாய்... 
கடந்து செல்வோரெல்லாரையும் பார்த்து குரைத்துத் தள்ளும் ஒரு அன்புத்தொல்லையோடு நான் அல்லாடிக்கொண்டு...
கையிலிருந்த ஐஃபோனில் எடுத்த படங்கள் இவை...இனிமேல் வருபவை என்னவர் கேமராவில் எடுத்தது.

இந்த இடம் ஏற்கனவே நீங்க பார்தத்துதான். சன்செட் க்ளிஃப்ஸ் நேஷனல் பார்க், சான்டியாகோ..முன்பு சென்றிருந்தபோது அலை ஓசையை வீடியோ எடுத்து வந்து பகிர்ந்திருந்தேன். இந்த முறை கேமரா என் வசம் இல்லாததாலும் கூடவே ஜீனோவை கட்டி மேய்க்கும் பொறுப்பும் சேர்ந்து கொண்டதாலும் கொஞ்சம் அடக்கி வாசிக்க :) வேண்டியதாகிப் போனது! :) :) 
சில மைல் தூரத்திற்கு கடலோரம் எல்லாம் இப்படியான உயரமான பாறைகள் நிற்கின்றன. பாறையை ஒட்டி சாலை..சாலையின் மறுபுறம் வீடுகள். தினமும் அங்கே சூரியன் மறைவது ஒரு அழகான காட்சி.
நாங்கள் சென்றிருந்த அன்று சூரியனுக்கு நாணம் மிகுந்துவிட்டது! மேகங்களின் பின்னால் ஒளிந்தவாறே நைஸாக கடலுக்குள் இறங்கிவிட்டார்! :) 
மேகத்திரை விலக்கி வெளியே வருவார் என காத்திருந்தோம்..காத்திருந்தோம்!!
திரை விலகாமலே மேகங்களுக்குள்ளே மூழ்கியவாறே மேற்கில் அஸ்தமித்த சூரியன்..கொஞ்சமாய் தலைநீட்டிய ஏமாற்றத்தை மறைத்தவாறே நாங்களும் கிளம்பினோம். 

புகைப்படங்களை ரசித்தமைக்கு நன்றி! 

LinkWithin

Related Posts with Thumbnails