Thursday, May 11, 2017

ஓட்ஸ் வெஜிடபிள் உப்மா

தேவையான பொருட்கள் 
ஓட்ஸ் - 1 கப்
தண்ணீர் -11/2 கப்
கேரட் -1
பீன்ஸ் - 5
பச்சை பட்டாணி (ஃப்ரோஸன்) - ஒரு கைப்பிடி
வெங்காயம் -1
பச்சைமிளகாய் -3 (காரத்துக்கேற்ப)
கறிவேப்பிலை -கொஞ்சம்
கொத்துமல்லி இலை - கொஞ்சம்
கடுகு -1/2டீஸ்பூன்
க.பருப்பு, உ.பருப்பு -தலா ஒரு டீஸ்பூன்
எண்ணெய்
உப்பு

செய்முறை
ஓட்ஸை வெறும் கடாயில் வாசம் வரும்வரை வறுத்து ஆறவைக்கவும்.
ஒண்ணரை கப் தண்ணீரை கொதிக்க விடவும். தண்ணீர் கொதித்ததும் ஓட்ஸை சேர்த்து வேகவைக்கவும். தீயை குறைத்து வைத்து வேகவைக்கவேண்டும், ஓட்ஸ் சேர்த்ததும் பொங்கும். ஓட்ஸின் வகைக்கேற்ப சில நிமிடங்களில் வெந்துவிடும். குழையாமல் வேகவிட்டு அடுப்பிலிருந்து இறக்கி மூடி வைக்கவும். [தண்ணீர் அளவாக இருக்கும், வடிக்கத் தேவையில்லை]

கேரட் பீன்ஸை கழுவி நறுக்கி, கொஞ்சமாகத் தண்ணீர் விட்டு மைக்ரோவேவ்-ல் 2  நிமிடங்கள் வேகவைக்கவும். அதனுடன் பட்டாணியையும் சேர்த்து மீண்டும் ஒரு நிமிடம் வேகவிட்டு எடுத்துவைக்கவும்.

வெங்காயம், பச்சைமிளகாய் நறுக்கிவைக்கவும்.

கடாயில் எண்ணெய் விட்டு, கடுகு தாளிக்கவும். க.பருப்பு-உ.பருப்பு சேர்த்து பொன்னிறமானதும், கறிவேப்பிலை - நறுக்கிய வெங்காயம் பச்சைமிளகாய் சேர்த்து வதக்கவும். லேசாக வதங்கியதும் தேவையான உப்பு, வேகவைத்த காய்கறிகள் (தண்ணீரை வடித்துவிட்டு) சேர்க்கவும். எல்லாம் நன்றாக வதங்கியதும் வெந்த ஓட்ஸை கொட்டி கிளறிவிடவும். [ரொம்பவும் கிளறக்கூடாது..காய்கள் ஓட்ஸுடன் கலந்தால் போதும்]

ஓட்ஸ் காய்களுடன் கலந்து சூடானதும் அடுப்பிலிருந்து இறக்கி, நறுக்கிய கொத்துமல்லி இலை சேர்த்து சூடாக பரிமாறவும். 

9 comments:

  1. சூப்பர்.. ஆனா எனக்கு ஸ்டெப் பை ஸ்டெப் பிக்சர்ஸ் வேணும்..😉

    ReplyDelete
    Replies
    1. அபி இங்கயா இருக்கிறீங்க? காணல்லியே எனத் தேடினேன்...

      Delete
    2. //ஸ்டெப் பை ஸ்டெப் பிக்சர்ஸ் வேணும்// அடுத்த முறை செய்யும்போது அப்டேட் பண்றேன் அபி!! :) வருகைக்கும் கருத்துக்கும் நன்றி!

      Delete
  2. என்கிட்டே க்ளூட்டன் free ஓட்ஸ் இருக்கே அதில் ட்ரை செய்றேன் ஆனா அது தண்ணில போட்டதும் குழையுமே பார்ப்போம்

    ReplyDelete
    Replies
    1. //தண்ணில போட்டதும் குழையுமே// ஓ!!!
      // பார்ப்போம் // என்ன பாப்பீங்க?? களியாகிரும்னு தெரிஞ்சா டிரை பண்ணாதீங்கக்கோவ்...பொங்கல் செய்து பாருங்க! :))) நன்றி!

      Delete
  3. ஓட்ஸ் உப்புமா நல்லாத்தான் இருக்கு.. ஆனா இப்படி தண்ணியில் சேர்த்தால் களி விழுந்திடாது. நான் குஸ்குஸ், றவையில் செய்வேன்... வறுத்தெடுத்து வைத்துவிட்டு... இதேபோல தண்ணி அளவு.. வெங்காயம் மிளகாய் தாளித்து, அதனுள் மரக்கறிகளிக் கொட்டு வதக்கி.. இந்த தண்ணி விட்டு அவியவிட்டு, பின்னர் வறுத்ததைக் கொட்டி கிண்டி உடனேயே இறக்கிடுவேன்.

    சரி இம்முறையிலும் முயற்சிக்கிறேன், களிபோல வந்திட்டால்.. யாரும் தொடமாட்டினம்.. நானே சாப்பிட்டு முடிக்க வேண்டி வரும் கர்ர்ர்ர்ர்:).

    ReplyDelete
    Replies
    1. //ஆனா இப்படி தண்ணியில் சேர்த்தால் களி விழுந்திடாது.//வறுத்துட்டு கரெக்ட்டா தண்ணி விட்டு கரெக்ட்டா வேகவிட்டா உதிரியா வரும் அதிரா..கொஞ்சமா டிரை பண்ணிப் பாருங்கோ!! குஸ்குஸ் இப்ப நான் வாங்குவதில்லை, ரவை உப்புமாவை விட ஓட்ஸ் கொஞ்சம் ஹெல்த்தி என்று இப்படி முயற்சிக்கிறது!! ஹிஹி!! tஹேன்க்யுஊ!!

      Delete
  4. ஓட்ஸ் வெஜிடபிள் உப்மா...பார்க்கவே நல்லா இருக்கு...

    ஆன இப்பொழுது நான் ஓட்ஸ் வாங்குறது இல்லயே...

    ReplyDelete

LinkWithin

Related Posts with Thumbnails