சுண்டக்காய் வத்தக்குழம்பு

கசப்பான குழம்புன்னு டைட்டிலை வைச்சுட்டு இனிப்பு படம் வந்திருக்கேன்னு எல்லாரையும் கொஞ்சம் குழப்பணும்ல? ஒரு சிலர், இது குலோப்:) ஜாமூன் இல்லையோ, சுண்டக்காய்தானோன்னு கூட குழம்புவீங்க,கரெக்ட்டுத்தானே? ;)

என்ன பண்ணறதுngka?..என் லேப்டாப்புக்கு மண்டை குழம்பினதுல இருந்து அது இப்புடித்தான் எடக்கு மடக்கா எதாச்சும் செய்யுது! tamil software install panninaalum, tamilla type pannarathu english-lathaan varuthu. athuvaa ninaichaa tamil-a varuthu! en nilamai eppadi aakiduchunnu paarunga!! இல்லாட்டி என்னைய மாதிரி ஒரு நல்ல பொண்ணு இந்தமாதிரி எல்லாம் எழுதாதுன்னு உங்களுக்கே தெரியும். ஹிஹி!

சில வருஷங்களுக்கு முன்பு வரை எனக்கு இந்த சுண்டைக்காய் வத்தல்-மணத்தக்காளி வத்தல் இப்புடி வத்தலெல்லாம் புடிக்கவே புடிக்காது. பச்சை சுண்டைக்காய்-ல வைக்கிற குழம்புதான் புடிக்கும். எங்கயாவது கல்யாண வீடுகள்ல மத்யானம் விருந்து சாப்பாட்டில வத்தக்குழம்பு இருந்தா சாப்பிடறதோட சரி. வீட்டுல வத்தல் வாங்கற வழக்கமே இல்ல. போன வருஷம் inge பக்கத்தில இருந்த ஒரு தோழி இந்த குழம்பை ஞாபகப் படுத்தினதுல இருந்து நானும் போற வர இண்டியன் ஸ்டோர்ல எல்லாம் வத்தலைத் தேடித் தேடி தேய்ந்ததுதான்(!?) மிச்சம், எங்கயுமே கிடைக்கலை! ஸோ, ஊர்ல இருந்து வரப்ப மசாலா பெட்டில 2-3 பாக்கெட் வத்தலா வாங்கிப் போட்டு, மறக்காம வத்தக்கொழம்பு பொடியும் வாங்கிப் போட்டுட்டு வந்தேன். கொழம்பும் வைச்சு ஒரு புடி புடிச்சாச்சு! சும்மா சொல்லக்கூடாது,குழம்பு சூஊஊஊஊப்பர் டேஸ்ட்டு! :P:P

~~~~

தேவையான பொருட்கள்
சுண்டக்காய் வத்தல்-ஒரு கைப்பிடி
வெங்காயம்-1
தக்காளி-2
புளிக்கரைசல்-1/4கப்
வத்தக்குழம்பு மசாலா - 2 டேபிள்ஸ்பூன்
மஞ்சள்தூள்-1/4டீஸ்பூன்
கறிவேப்பிலை- ஒரு கொத்து
தேங்காய் - 1/4மூடி
உப்பு
நல்லெண்ணெய்

செய்முறை
வெங்காயத்தை பொடியாக நறுக்கவும், தக்காளியை நறுக்கி புளிக்கரைசலுடன் சேர்த்து கரைத்து வைக்கவும்.தேங்காயை கொஞ்சமாகத் தண்ணீர் விட்டு அரைத்து வைக்கவும்.

பாத்திரத்தில் எண்ணெய் காயவைத்து கடுகு தாளித்து, சுண்டைக்காய் வற்றலை சேர்த்து பொரிக்கவும்.

வற்றல் பொரிந்ததும் வெங்காயம்-கறிவேப்பிலை தாளித்து வெங்காயம் பொன்னிறமாகும்வரை வதக்கவும்.

கரைத்து வைத்த புளி-தக்காளி கரைசல், தேவையான உப்பு சேர்த்து கொதிக்க விடவும்.

நன்றாக கொதித்ததும் தேங்காய் விழுது, வத்தக்குழம்பு பொடி சேர்த்து மிதமான தீயில் கொதிக்க விடவும்.
குழம்பிலிருந்து எண்ணெய் பிரிந்து வந்ததும், அரை டீஸ்பூன் சர்க்கரை சேர்த்து இறக்கினா
காரசாரமான சுண்டக்காய் வத்தக் குழம்பு ரெடி!

BTW, இந்த ரெசிப்பி வத்தகொழம்பு பாக்கெட் பின்னாடி இருந்தது, அதை அப்புடியே ஃபாலோ பண்ணிருக்கேன், போற்றுவார் போற்றலும், தூற்றுவார் தூற்றலும் சக்தி மசாலாவுக்கே! ;) ;) ;)


சூடான சாதம்-வத்தக்குழம்பு-பீர்க்கங்காய் பொரியல்-ரசம்! இந்தக் காம்பினேஷன் சூப்பரா இருந்தது, செஞ்சுபாருங்க.

~~~

அப்புறம் இன்னொரு விஷயம் என்னன்னா எங்க கம்ப்யூட்டர்ல புடிச்ச வைரஸ சரி பண்ணியாச்சு, ஆனா ubuntu-ல இன்ஸ்டால் பண்ணிருக்க தமிழ் ஸாஃப்ட்வேர்ல இன்னும் பக்ஸ் (bugs) இருக்குதாம், நேரம் கிடைக்கைல மறுபடி இன்ஸ்டால் பண்ணித் தாறேன்னு எங்கூட்டுக்காரர் சொல்லிருக்கிறாரு, அதுவரைக்கும் என் தமிழ் கொஞ்சம் தடுமாறும், அட்ஜஸ்ட் பண்ணிக்கோங்க, ஓக்கை?

oorukku poyittu vanthu வெறும் சிப்ஸும் டீயும் காட்டி ஏமாத்திட்டீங்களேன்னு காதில் புகை விடறவங்க:) உட்பட, எல்லாருக்கும் முதல் படத்தில இருக்க கோவை ஸ்பெஷல் குலாப் ஜாமூன்!! கூல் டவுன் aakirungka, nanri!