Monday, January 23, 2012

வறுவல் & பொரியல்

சேப்பங்கிழங்கு வறுவல் & முட்டைக்கோஸ் பொரியல்

சேப்பங்கிழங்கு வறுவல்-தேவையான பொருட்கள்
சேப்பங்கிழங்கு -5 (Taro root /Arbi/colocasia root)
சாம்பார் பொடி-1டேபிள்ஸ்பூன்
உப்பு
எண்ணெய்-2 டேபிள்ஸ்பூன்

செய்முறை
சேப்பங்கிழங்கை குழையாமல் வேகவைத்து எடுக்கவும். (மேலே படத்திலிருப்பது வெந்த கிழங்குதான். :))
கிழங்கை தோலுரித்து சற்றே பெரிய துண்டுகளாக நறுக்கவும்.
கடாயில் ஒரு டேபிள்ஸ்பூன் எண்ணெய் சூடாக்கி கிழங்கை சேர்த்து மிதமான தீயில் வறுக்கவும்.
கிழங்கு கருகாமல்,உடையாமல், அவ்வப்போது துளித்துளி எண்ணெய் விட்டு நன்றாக முறுகலாகும் வரை வறுக்கவும். (நான்-ஸ்டிக் பாத்திரமா இருந்தா வேலை சுலபம்)
சாம்பார்ப்பொடி, உப்பு சேர்த்து குலுக்கிவிட்டு இரண்டு நிமிடங்களில் அடுப்பிலிருந்து இறக்கவும்.
சுவையான சேப்பங்கிழங்கு வறுவல் ரெடி!
~~ ~~00O00~~ ~~

முட்டைக்கோஸ் பொரியல்-தேவையான பொருட்கள்
நறுக்கிய முட்டைக்கோஸ்-11/2கப்
வெங்காயம்(சிறியது)-1
பச்சைமிளகாய்-2
வரமிளகாய்-1
தேங்காய்த்துருவல்-1டேபிள்ஸ்பூன்
கடுகு-1/2டீஸ்பூன்
க.பருப்பு-1டீஸ்பூன்
உ.பருப்பு-1டீஸ்பூன்
எண்ணெய்
உப்பு

செய்முறை
கோஸை கழுவி பொடியாக நறுக்கிவைக்கவும்.
வெங்காயம்,பச்சைமிளகாயைப் பொடியாக நறுக்கிவைக்கவும்.
ஒரு மைக்ரோவேவ் சேஃப் பாத்திரத்தில் முட்டைக்கோஸுடன் கொஞ்சமாகத் தண்ணீர் தெளித்து 3 நிமிடங்கள் மைக்ரோவேவ் செய்யவும். ஒரு நிமிடம் கழித்து கோஸை வெளியே எடுத்து தேவையான உப்பு சேர்த்து கலந்து மீண்டும் 30நொடிகள் மைக்ரோவேவில் வைத்து எடுக்கவும்.
(இட்லிப்பாத்திரத்தில் வைத்து 3நிமிடம் ஆவியில் வேகவிட்டும் எடுக்கலாம்.)
கடாயில் எண்ணெய் காயவிட்டு கடுகு, க.பருப்பு,உ.பருப்பு தாளித்து வெங்காயம்-பச்சைமிளகாய், கிள்ளிய வரமிளகாய் போட்டு வதக்கவும். (ஒரு துளி உப்பும் சேர்த்து வதக்கினால் சீக்கிரம் வதங்கிடும்,ஆனா ஜாக்கிரதை, கோஸுல ஏற்கனவே உப்பு போட்டிருக்கீங்க, அதை மறந்து இங்கேயும் உப்பை அள்ளிப் போட்டுரக்கூடாது. ;) )
வெங்காயம் வதங்கியதும் வெந்த கோஸைச் சேர்த்து பிரட்டி..
தேங்காய்த் துருவல் சேர்த்து அடுப்பிலிருந்து இறக்கவும்.

சுவையான முட்டைக்கோஸ் பொரியல் ரெடி!

~~~~ ~~~~ ~~***~~ ~~~~ ~~~~
சமர்த்தா சமையல் குறிப்பை மட்டும் போட்டுட்டுப் போலாம்னு நினைச்சேன், ஆனா பாருங்க, கை துறுதுறுங்குது..வழக்கம் போல மேலதிகத் தகவல்கள் தொடர்கிறது!
டொட்டொடொய்ங்க்!
:)))))
~~~~ ~~~~ ~~***~~ ~~~~ ~~~
சேப்பங்கிழங்கு வாங்கும்போது ப்ரெஷாக இருக்கும் கிழங்காகப் பார்த்து வாங்கணும்னு என் தோழி ஒருவர் சொன்னாங்க..அவிங்க சொன்ன ரெசிப்பிதான் மேலே இருக்கும் சிம்பிள் வறுவல். அதெப்படிங்க அது ப்ரெஷா இருக்குன்னு கண்டுபிடிக்கன்னு கேட்டேன், கிழங்கை கையில் எடுத்துப் பார்த்தா கொஞ்சம் ஈரமா சில்லுன்னு இருக்கணுமாம்,அப்பதான் ப்ரெஷ் கிழங்காம். காய்ஞ்சு போயிருந்தா ருசி நல்லாருக்காது,வாங்காதீங்கன்னாக..உங்களுக்கும் சொல்லிட்டேன். :)

சேப்பங்கிழங்கை குழையாமல் வேகவைக்க குக்கரில் தண்ணீர் கொதி வந்ததும் கிழங்கைச் சேர்த்து 3-4 விசில் வந்ததும் அடுப்பிலிருந்து இறக்கி ஆறவிடுங்க.(அடுப்பை ஆஃப் பண்ணிட்டு அப்படியே விட்டுரக்கூடாது.கர்ர்ர்ர்ர்ர்! ;))
இட்லித்தட்டில் வைத்து 15நிமிஷம் வேகவைக்கலாம்னு லஷ்மிம்மா சொல்லிருக்காங்க. அதையும் ட்ரை பண்ணிப் பாருங்க..அல்லது பாத்திரத்தில் தண்ணீர் கொதிக்கவிட்டு வேகவைக்கலாம்.
****
எந்தக் காய்கறியாய் இருந்தாலும் அளவுக்கு மீறி வேகவைத்தால் அதிலிருக்கும் சத்துகள் வீணாப்போகும் என்பது எல்லாருக்கும் தெரியும்,அட எனக்கும்தாங்க தெரியும்.;) ஆனா பாருங்க, முன்பெல்லாம் தண்ணீரை காய் மூழ்குமளவு ஊத்தி வேஏஏஏஏகவிட்டுடுவேன்,மாவு போல வெந்துரும். :) என்னவருக்கோ காய் கடிச்சு சாப்பிடறமாதிரி இருந்தாதான் பிடிக்கும்,இதனாலேயே நான் செய்யும் பல பொரியல்களை சாப்பிடமாட்டார். அதுக்காகவே கொஞ்சம் கொஞ்சமா இப்பஇப்பத்தான் நிமிஷக் கணக்குப் பார்த்து சமைக்கிறேன். :) காய்களின் ருசியும் தெரியுது.

முட்டைக்கோஸ், ப்ரோக்கலி இவை அதிகபட்சம் 3 நிமிஷத்தில் வெந்துருது. அதுக்கப்புறம் இந்த தாளிப்பது, தேங்கா சேர்ப்பது இதுக்கெல்லாம் மீறிப்போனா ஒரு 2 நிமிஷம்,அம்புட்டுதான்,அதுக்கு மேலே அடுப்பில வைப்பதில்லை. பீன்ஸ், காலிஃப்ளவர், முள்ளங்கி, கேரட், சுரைக்காய், எல்லாமே அப்படித்தான். கொஞ்சமாகத் தண்ணீர் தெளிச்சு மூடி வைத்து 3-4 நிமிடங்கள் சமைத்தாலே வெந்துவிடுகிறது. அதே போல தேங்காய் சேர்க்கும் காய்களுக்கு அடுப்பிலிருந்து இறக்கிதான் தேங்காய் சேர்த்து கலக்கறேன். தேங்காயை அடியோடு விடத்தான் முடியல,அட்லீஸ்ட் வதக்காமலாவது இருக்கலாமே..கொழுப்பு ஒரு % குறையுமே என்ற நப்பாசைதான் எல்லாம்! ஹிஹி!

அதனாலே நான் எல்லாருக்கும் சொல்லிக்கிறது என்னன்னா..வீட்டிலிருக்கும் பெரியவர்கள்(காயை மென்று சாப்பிடமுடியாதவர்கள்) தவிர மற்ற எல்லாரும் காய்களை அளவா வேகவிட்டு சமைத்து ஆரோக்கியமா வாழுங்கள்!

ஹப்பாடி,ப்ரசங்கம் முடிஞ்சது, யாருப்பா அங்கே, கூலா ஒரு கலர் குடுங்க. ;) B-)

30 comments:

  1. ஆரோக்கியமாக சமைச்சு அசத்துறீங்க.பேசாமல் பக்கத்து வீட்டிற்கு
    குடி வந்திடுங்க.அப்ப அப்ப வறுவல் பொரியல் எல்லாம் கிடைக்கும் தானே.

    ReplyDelete
  2. ரெண்டுமே என் பிரியமானஉணவு வகைகள் .
    எப்பவுமே எனக்கு இந்த கிழங்கு அழிய வேகும் /இல்லன்னா வேகாம அரைகுறையா இருக்கும் .ஆனா நம்ம ஊர்ல அப்படியில்லையே ஏன்???????
    நீங்க கிழங்கை எவ்ளோ நேரம் குக்கரில் வைச்சீங்க ???

    ReplyDelete
  3. /எப்பவுமே எனக்கு இந்த கிழங்கு அழிய வேகும் /இல்லன்னா வேகாம அரைகுறையா இருக்கும் .ஆனா நம்ம ஊர்ல அப்படியில்லையே ஏன்???????
    நீங்க கிழங்கை எவ்ளோ நேரம் குக்கரில் வைச்சீங்க ???//////////////////////
    நல்லா கேட்டீங்க போங்க!:))))) எனக்கும் எப்பவுமே அப்படித்தான் ஆகும்! அதுக்கு பயந்துட்டே நான் வாங்கவே மாட்டேன். ;)

    இந்தமுறை என் ஃப்ரென்ட் சொன்னாங்களேனு வாங்கிட்டு வந்தேன்,குக்கர்ல தண்ணி கொதி வந்ததும், கிழங்கை போட்டு 3-4 விசில் வந்ததும் இறக்கிட்டேன். நீங்களும் ட்ரை பண்ணி பாருங்க. :)
    ~~
    ஆசியாக்கா, H&G டிவில துபை வீடுகளைப் பாத்தேன்,ரொம்ப அழகா இருந்தது. யு.கே.கூட போவதுக்கு ஒரு 10% சான்ஸ் இருக்கு, உங்கூருப்பக்கம் வர சான்ஸ் ரெம்ப கம்மி! ஒரு சேஞ்சுக்கு நீங்க இங்க வாங்களேன்!!

    ReplyDelete
  4. நீங்க கிழங்கை எவ்ளோ நேரம் குக்கரில் வைச்சீங்க ???//

    நான் தண்ணி கிழங்கு ரெண்டையும் ஒரே நேரம் கேஸ் அவன்ல வைப்பேன் .அதனாலதான் கிழங்கு பிரதமன் ஆகுதோ !!!!!!!

    ReplyDelete
  5. /அதனாலதான் கிழங்கு பிரதமன் ஆகுதோ !!!!!!!/இருக்கலாம்,அடுத்தமுறை இப்படி ட்ரை பண்ணிப் பாருங்க.நம்ம எக்ஸ்பர்ட்ஸ் எல்லாரும் வந்து எதாச்சும் டெக்னிக் சொல்லுவாங்க.வெயிட் செஞ்சு பார்ப்போம்! :)

    ReplyDelete
  6. Nice poriyals and interesting write up as always...

    ReplyDelete
  7. சேப்பங்கிழங்கு ரோஸ்டை ரொம்ப சிம்பிளா செய்து காட்டி அசத்தீங்க மகி.அதிலும் கொஞ்சமா எண்ணெய் விட்டு.நானும் இன்னிக்கே டிரை பண்ணப்போகிறேன்.

    ReplyDelete
  8. நான் இந்தக் கிழங்கை இந்தியன் கடைகளில் பார்ப்பதோடு சரி. வாங்குவதில்லை. நான் பெரும்பாலும் கிழங்கு வகைகள் சமைப்பது குறைவு.
    எஞ்சலின், என்னவோ பிரதமன் என்கிறீங்க? அப்பூடின்னா???? இருங்க எங்க top chef ஜெய் வந்து பதில் சொல்லி சமாளிப்பார் ( பதில் தெரியாவிட்டாலும் அவர் கில்லாடி )

    முட்டைக் கோஸ் சூப்பரா இருக்கு.

    ReplyDelete
  9. இந்த குளிர்காலத்துல சேப்பங்கிழங்கு ரோஸ்ட் படிக்கும்போதே சொகமா இருக்கே! கிழங்கு வாங்கும் டிப்ஸ் அருமை. நன்றி மகி.

    ReplyDelete
  10. சேப்பங்கிழங்கு ரோஸ்டை ரொம்ப சுலபமான முறையில் செய்து காட்டி அசத்தீங் மகி...

    ReplyDelete
  11. வறுவலும் பொரியலும் அருமை..மகி
    சூடா ரசம் சாதத்துடன் சாப்பிடனும் போல இருக்கு

    ReplyDelete
  12. mahi edhu ennoda favourite roast...romba arumai :)

    ReplyDelete
  13. மஹி, சூப்பர் ரெசிப்பி கொடுத்திருக்கீங்க. ஏஞ்சலின் சேப்பங்கிழங்கு இட்லி தட்டில் வச்சு 15- நிமிஷம் வேக வைச்சு பாருங்க நல்லா வரும்

    ReplyDelete
  14. மகி,

    ஒரே நாளில் வறுவல் & பொரியல். நல்லாருக்கு.டிப்ஸும் மனதிலிருத்த வேண்டியவைகளே.

    ReplyDelete
  15. wow delicious fry n poriyal...luks so tempting n yum...

    ReplyDelete
  16. இதுக்குப் பெயர்தான் சேப்பங்கிழங்கோ? அவ்வ்வ்வ்வ்... வீட்டில வாங்கி வந்து வைத்திருக்கு.. பெயர் தெரியாது, நான் ச்ச்சும்ம்மா வதக்கி தண்ணிக் குழம்பாக வைத்து தேசிக்காய் சேர்ப்பேன் நன்றாக வரும்.

    நான் நினைத்தேன் சேப்பங்கிழங்கெனில் கரணைக்கிழங்காக்கும் என.

    இம்முறை மகிட முறையில் ட்ரை பண்ணுகிறேன்.

    கபேஜ் வறுவல்... இது வாரம் 2,3 நாட்களாவது நம் வீட்டில் உண்டு. எனக்கு ரொம்பப் பிடிக்கும். ஆனா நல்ல மெல்லிசாக வெட்டினால்தான் ருசி அதிகம்.

    ReplyDelete
  17. எந்தக் கிழங்கையும் அவிக்கும்போது, பாதியில மூடியைத் திறந்து bread knife ஆல நடுவில குத்திப் பார்ப்பேன், உள்ளே சுலபமாக இறங்கிச்சுதெனில் உடனே குக்கரை ஓவ் பண்ணி, 5 நிமிடம் மூடிவிட்டுவிட்டு, பின்பு தண்ணியால வெளியே எடுத்திடுவேன், அப்போ கரையாமல் வரும்.

    கிழங்கு அவிந்துவிட்டதெனத் தெரிந்தால் தண்ணியினுள் விடப்படாது, விட்டால் கரையும்...

    இதை ஆரும் வித்துவான்கள், ஜம்பவான்கள் கொப்பி பேஸ்ட் பண்ணி அதுக்கு ஏதும் ஏடாகூடாமாக எழுதினீங்க... அப்புறம் தேம்ஸ்லதான் நிற்பீங்க( தண்ணிக்குள்:))..

    எங்கிட்டயேவா... சிக்கின் மட்டின் எல்லாம் சிம்பிளாக அவிக்கிற எனக்கு, கிழங்கு எம்மாத்திரம்.. ம்ம்ஹூம்:))).

    ReplyDelete
  18. சூப்பர் ரெசிபீஸ் மகி. கோஸ் பொரியல நான் ரெசிபி போடலாமுன்னு படம் எல்லாம்(?) எடுத்து வெச்சு இருக்கேன். ஹும். இப்போ என்ன உங்க ப்ளாக் லிங்க் குடுத்தா போச்சு.

    காய் நம்ம ஊருல நெறைய நேரம் வேக வெச்சு நமக்கும் அதே பழக்கம். நானும் இங்கே வந்த புதுசுல இப்புடித்தான் சமைச்சுகிட்டு இருந்தேன். பதினோரு வருஷம் கழிச்சும் அப்புடியே செஞ்சா எப்புடி? அதனால இப்பெல்லாம் அரை வேக்காடு தான் (நான் என்னை சொல்லலே காய சொன்னேன்) ஓகே லஞ்ச் பிரேக் முடிஞ்சு போயி சி யா

    ReplyDelete
  19. வறுவல்+பொரியல் சூப்பரா இருக்கு...சேப்பகிழங்கு டிப்ஸ்க்கு மிக்க நன்றி!!

    ReplyDelete
  20. இதன் ஆங்கில பெயர் சொல்லுங்க மகி. அடுத்த முறை வாங்கி செய்ய உதவியாய் இருக்கும்.

    ReplyDelete
  21. /இதன் ஆங்கில பெயர் சொல்லுங்க/ போஸ்ட்லே சேர்த்துட்டேன் அனானி! Taro root,Arbi,Colocasia இதெல்லாமே சேப்பங்கிழங்கின் ஆங்கிலப்பெயர். நீங்க எந்த ஊர்ல இருக்கீங்கன்னு தெரில. அமெரிக்க கடைகள், சைனீஸ் & ஏஷியன் மார்க்கெட்ஸ்,இந்தியன் ஸ்டோர்ஸ் எல்லா இடங்களிலும் இது கிடைக்கும்.

    நன்றிங்க!

    ReplyDelete
  22. நான் வாங்கும் கிழங்கில்..British Celeriac... என பெயர் போட்டிருக்கே அவ்வ்வ்வ்வ்வ்வ்வ்:)) அது வேற இது வேறையோ?.. nutty and creamy என இருக்கு..அப்பூடியா?:))).

    ReplyDelete
  23. //அது வேற இது வேறையோ?.. //ஆமாங்கோ பூஸ்! British Celeriac உங்கூருல குளிர்காலத்தில விளையும் ஒரு கிழங்குவகையாம், ஐரோப்பா தவிர வேறு ஊர்களில் அவ்வளவா புழக்கத்தில் இல்லாத கிழங்கு வகை அது. இந்த லிங்கை நோக்குங்கோ!:) ;)
    http://eattheseasons.co.uk/Archive/celeriac.htm

    எனக்குத் தெரிந்தவரை எல்லா ஊர்களிலும் சேப்பங்கிழங்கிற்கு taro root,arbi,colocasia இந்தப் பேர்கள்தான் இருக்கிறது. :)

    சே.கிழங்கு nutty and creamy-யா இருக்காது, ஆனா நல்லா இருக்கும்! ;)
    புளிக்குழம்புல போட்டா கொஞ்சம் வழுவழுப்பா;) இருக்கும்.

    அடுத்தமுறை(யாவது) கரெக்ட்ட்ட்ட்ட்ட்டா சேப்பங்கிழங்கு வாங்கிப் பொரியுங்கோ,என்ன?? ;)
    ஆல் தி பெஸ்ட்ட்ட்ட்ட்ட்ட்ட்ட்ட்ட்!

    ReplyDelete
  24. மேனகா,வருகைக்கும் கருத்துக்கும் நன்றி!
    ~~
    கிரிஷா(பொயின்ட் நோட்டட்,இனிமேட்டு உங்கள அக்கா-னு சொல்லமாட்டேன்.)
    /கோஸ் பொரியல நான் ரெசிபி போடலாமுன்னு படம் எல்லாம்(?) எடுத்து வெச்சு இருக்கேன்./எங்கருந்து எடுத்தீங்க? இன்டர்நெட்ல இருந்து இல்லைல்ல?? :)

    /அதனால இப்பெல்லாம் அரை வேக்காடு தான் (நான் என்னை சொல்லலே காய சொன்னேன்)/இதான் சொந்த செலவுல சூனியம் வைச்சுக்கறது! :)))))
    பேசாம சொ.செ.சூ.வைத்துக்கொள்வது எப்படினு ஒரு க்ளாஸ் எடுக்க ஆரம்பிங்களேன்! பிஸினஸ் நல்லா பிக்கப் ஆகீரும்! ;)
    நன்றி கிரிஜா!
    ~~
    /எந்தக் கிழங்கையும் அவிக்கும்போது, பாதியில மூடியைத் திறந்து bread knife ஆல நடுவில குத்திப் பார்ப்பேன், உள்ளே சுலபமாக இறங்கிச்சுதெனில் உடனே குக்கரை ஓவ் பண்ணி,/ அவ்வ்வ்வ்...ப்ரெஷர் குக்கரை எப்பூடிங்கோ பாதில மூடிய திறந்து கத்தியால குத்திப்பார்ப்பேள்??? குக்கரில் விசில் வந்து,அடுப்பிலிருந்து இறக்கி,ப்ரெஷர் முழுக்க இறங்கினாதானே ஓபின்;) பண்ணவே முடியும்?? ஐ திங்க், நீங்க சாதா பாத்திரத்திலே வேகப்போடறீங்க!

    //சிக்கின் மட்டின் எல்லாம் சிம்பிளாக அவிக்கிற எனக்கு, கிழங்கு எம்மாத்திரம்..// சிக்கின்,மட்டன் எல்லாம் சிம்பிளா அவிச்சுடீங்க,ஆனா சேப்பங்கிழங்கு எதுன்னு தெரியலையே உங்களுக்கு? கிக் கிக் கிக் கீ!! :):)

    /ஆனா நல்ல மெல்லிசாக வெட்டினால்தான் ருசி அதிகம்./கேபேஜை இன்னும் மெல்லிதா வெட்டுவீங்களா பூஸ்? எனக்கு இதுக்குமேலே மெலிசா கட் பண்ண வராது.

    நன்றி அதிரா!
    ~~
    ப்ரேமா,வருகைக்கும் கருத்துக்கும் நன்றிங்க!
    ~~
    சித்ரா மேடம்,வருகைக்கும் கருத்துக்கும் நன்றிங்க. பருப்பை வறுத்து சாம்பார் செய்யும் டெக்னிக்குக்கு நன்றி. செய்து பார்க்கிறேன்.:)
    ~~
    லஷ்மிம்மா,நன்றிமா! கிழங்கு வேகவைக்கும் டிப்ஸுக்கும் நன்றி. எனக்கும் உபயோகமாகும். ;)
    ~~
    வர்ஷினி,வருகைக்கும் கருத்துக்கும் நன்றிங்க!
    ~~
    ஜலீலாக்கா,வாங்க..வருகைக்கும் கருத்துக்கும் நன்றி! ரசம் சாதம் தானே,ரெடியா இருக்குது,வீட்டுக்கு வாங்க,சாப்பிடலாம்!
    ~~
    சிநேகிதி,வருகைக்கும் கருத்துக்கும் நன்றி!
    ~~
    மீரா,இந்த நாலு வருஷத்திலே சே.கிழங்கு நாலஞ்சுமுறைதாங்க வாங்கியிருப்பேன்..in fact,எங்க வீடுகள்ல இந்த கிழங்கு சமைச்சதே இல்ல! நாந்தான் முதல்முறையா(!) சமைச்சிருக்கேன்.
    நன்றிங்க!
    ~~
    வானதி,என் ஆ.காரரும் கிழங்குவகைகள் தொடவே மாட்டார். அதிசயமா இந்த கிழங்கு வாங்குவேன். :)

    பச்சைரோசா இப்பல்லாம் அதிகமா எங்கயும்(!) வரதில்லையாம்,வந்தாலும் கம்முன்னு படிச்சிட்டு கமுக்கமா போயிடறாராம்.அதனால அவர் பதில் சொல்வார்னு எதிர்பாக்காதீங்க. பிரதமன்-னா கேரளா பாயசம். "பால் அடைப் பிரதமன்" கேள்விப்பட்டிருப்பீங்கதானே? :)

    நன்றி வானதி!
    ~~
    ஸாதிகாக்கா,நன்றி! இந்தக் கிழங்கைப் பார்க்கும்போதும் உங்களை நினைப்பேன்,உங்களுக்கு எங்க(மீ,சந்தனா,வின்னி,அறுசுவை--உங்க சமையல் குறிப்பு) நினைவு வருமான்னு தெரில! ;)
    ~~
    காயத்ரி,வருகைக்கும் கருத்துக்கும் நன்றீங்க!

    ReplyDelete
  25. காரஸார பொரியலும், கரகரவருவலும் ரொம்ப நன்றாக இருக்கு.

    ReplyDelete
  26. குறிப்பு கமண்ட் டிப்ஸ் எல்லாமே சூப்பர்.

    Samoa வில், talo என்று சொல்லுவாங்க மகி.

    நான் குட்டியாக வெட்டிப் பொரித்து உப்பு மிளகாய்த்தூள் போடுவேன். இல்லாவிட்டால் பேக் பண்ணுவேன். எனக்கு எப்பவும் டாரோ ஃப்ரெஷ்ஷோ ஃப்ரெஷ்ஷாகக் கிடைக்கும், வரிசையா நட்டு இருக்கிறேன். கூரைக்கு ஸ்ப்ரே செய்ததில் கீரைதான் எல்லாம் வெட்டி விட்டாயிற்று. ;(

    அடுத்தது உங்க ரெசிபிதான். ட்ரை பண்ணிவிட்டு ஃபோட்டோவோடு வருகிறேன். ;)

    ReplyDelete
  27. பொயின்ட் நோட்டட்,இனிமேட்டு உங்கள அக்கா-னு சொல்லமாட்டேன்// கோச்சுக்க எல்லாம் இல்லையே நீங்க? அக்கான்னு சொன்னா ரெம்ப வயசா....ன மாதிரி தெரியுது. இருக்குறதுதானே தெரியுமுன்னு நீங்க நெனைக்குறது தெரியுது இருந்தாலும்ம் NPK நோய் எங்கே விட்டுது ?

    ReplyDelete
  28. //எங்கருந்து எடுத்தீங்க? இன்டர்நெட்ல இருந்து இல்லைல்ல?? // ஆத்தாடீ நான் எல்லா படமும் இண்டர்நெட்ல இருந்துதான் போடுறேன்னா நெனைச்சீங்க? நோ நோ ஒன்லி வாழ்த்து மட்டும்தேன் இன்டர்நெட். மீதி எல்லாம் சொந்தம்:)



    //பேசாம சொ.செ.சூ.வைத்துக்கொள்வது எப்படினு ஒரு க்ளாஸ் எடுக்க ஆரம்பிங்களேன்// நான் முன்னமே சொல்லி இருக்கேன் உங்க ப்ளாக் ல கமெண்ட் போடும் போது தான் ரெம்ப சாக்கிரதையா இப்புடி எல்லாம் சொ.செ.சூ வெச்சுக்கிறது இல்லேன்னா நீங்க வெச்சிடுவீங்க இல்லே! எல்லாம் ஒரு பயம்தேன்



    ஓகே எனக்கு ஒரு சந்தேகம் நான் பாட்டுக்கு நெறைய நேரம் ஒருத்தங்க கூட பழகினா நானே அவுங்க எனக்கு க்ளோஸ் அப்புடின்னு நெனைச்சுகிட்டு ஏதாச்சும் சொல்லிடுவேன். அந்த மாதிரி எதாச்சும் சொல்லி உங்க கூட நட்ட்ப்பையே க்ளோஸ் பண்ணிடுவேனோ அப்புடின்னு லேசா சந்தேகம். அந்த மாதிரி ஏதாச்சும் மிஸ் அண்டர் ஸ்டாண்டிங் இருந்தா சொல்லிடுங்கோ (ஏதாச்சும் புரிஞ்சுது? )

    ReplyDelete
  29. I have never tasted seppankizhangu honestly I didn't even know there was a kizhangu variety like that till now) but your varuval pictures are making me wanting them beyond words. It looks soooo delicious!

    ReplyDelete
  30. காமாட்சிம்மா,வருகைக்கும் கருத்துக்கும் மிக்க நன்றிம்மா!
    ~
    /வெட்டிப் பொரித்து /=டீப் ஃப்ரை?? நாங்க பொரிக்கிறதுதான் அதான் மீன்(mean) பண்ணுவோம்.நீங்க என்ன சொல்லவரீங்க? ;)

    நீங்கள்லாம் வீட்டிலயே கிழங்கு வளர்க்கற ஆட்கள்,ப்ரெஷ்ஷ்ஷ்ஷாக் கிடைக்கும் உங்களுக்கு. நான் எப்பவாஆஆஆஆஆஆவதுதான் இமா வாங்குவேன்.
    வருகைக்கும் கருத்துக்கும் நன்றி! :)
    ~
    /அவுங்க எனக்கு க்ளோஸ் அப்புடின்னு நெனைச்சுகிட்டு ஏதாச்சும் சொல்லிடுவேன்./ :) நீங்க "க்ளோஸ்" அப்படீங்கறதுக்கு என்ன ஸ்கேல் வைச்சிருக்கீங்க..நீங்க க்ளோஸா நினைக்கறவங்க என்ன ஸ்கேல் வைச்சிருக்காங்க..ரெண்டு பேர் ஸ்கேலும் மேட்ச் ஆகுதா..இம்பூட்டு விசியம்;) இருக்குங்களே கிரிஜா! உங்களுக்கு எதாச்சும் புரிஞ்சது? ;) :):)

    இது பத்தி ஏற்கனவே உங்க காதோடு பேசிட்டேன். எல்லாமே அனுபவப்பாடம்தாங்க இங்கே! எக்ஸ்பீரியன்ஸ் இஸ் தி பெஸ்ட் டீச்சர்!:) ஓவரா குழப்பிக்காதீங்க,சரியா?
    நன்றிங்க.
    ~
    ராதை,கோவையில் இருக்கும் வரையிலும் நானும் இந்தக்கிழங்கைப் பார்த்தது கூடக்(!)கிடையாது.இப்பதான் பழக ஆரம்பிச்சிருக்கேன்,நீங்களும் செய்துபாருங்க,நல்லா இருக்கும்.
    நன்றி ராதை!
    ~

    ReplyDelete

LinkWithin

Related Posts with Thumbnails