Monday, April 29, 2013

பர்ஃபெக்ட் ஊத்தாப்பம்

 
...செய்வது எப்படி? - என்பது பற்றித்தான் இன்றைய பதிவுங்க. :)))) ஹல்லோ...வெய்ட்..பின்னங்கால் பிடறியில் பட, பல பேர் ஓட்டம் பிடிச்சாலும், எனக்கு என்றென்றும் ஆதரவு தரும் ஒரு சில நல்ல உள்ளங்கள் கண்டிப்பாஆஆஆஆஆ இந்தப் பதிவைப் படிப்பீங்க என்ற நம்பிக்கையில், கன்டினியூ!! இஸ்டார்ட் மீசிக்! :))))) டன் டனக்கா..ஆ...டமுக்கு டக்கா!! :)))) 
தோசை சுடுவது எப்படி -- நூறு வகை, ச்சே,ச்சே..ஆறு வகை தோசை  என்று ஏற்கனவே எழுதிருந்தாலும் ஊத்தாப்பம் பத்தி இன்னும் நான் எழுதலங்க. அதான்! ஒரு நாள்...வீகென்ட்..காலை..தோசை  சுடலாம்னு சட்னி அரைச்சாச்சு. திடீர்னு மொறு-மொறு தோசைக்குப் பதிலா மெத்-மெத் ஊத்தப்பம் சுடலாமேன்னு தோணுச்சு. மெத் மெத் ஊத்தப்பம் ஒண்ணு வயித்துக்குள்ள போன அதே (பொன்)நேரம்(??!!!)  ஊத்தப்பம் சுடுவது எப்படினு ஒரு டுட்டோரியல் குடுத்தா எல்லாருக்கும் உபயோகமா இருக்குமேன்னு ஒரு ஞானோதயம் உருவாச்சு. 

ஸோ..இப்ப ஒருவழியா (நிஜமாவே) ஊத்தப்பம் செய்யப் போறோம். இட்லி மாவரைச்சா, முதல்நாள் இட்லி- அப்புறம் தோசை, இதான் நம்ம கான்சப்ட். ஸோ, தேவையான அளவுக்கு இட்லி மாவ கப்ல எடுத்து.. தோசைன்னா கொஞ்சம் தண்ணி தாராளமாவே விட்டு கரைக்கலாம், ஆனா ஊத்தப்பத்துக்கு அப்படி இல்ல, கொஞ்சமா தண்ணி விட்டு கரைச்சுக்குங்க. தோசைக்கல்ல மீடியம் சூட்டில காயவைங்க. பக்கத்தில ஒரு வெங்காயம்/கத்தரிக்காய்/உருளைக்கிழங்கு/வாழக்காய் ...குழம்பக்குடாது, இதெல்லாம் வச்சு சாம்பார் செய்யப் போறதில்ல, அப்பப்ப தோசைக்கல்ல மசாஜ் பண்ணிக்கறதுக்கு!! ஹிஹிஹ்ஹி! இல்லன்னா ஒரு பேப்பர் டவல்ல எண்ணெய் தொட்டு மசாஜ் பண்ணிக்கலாம், அல்லது ஸிலிகன் பேஸ்ட்ரி ப்ரஷ்ல மசாஜ் பண்ணிக்கலாம், அது உங்க வசதி! [ஊரில டீக்கடைகள்ல தென்னங்குச்சி துடைப்பம் வைச்சு மசாஜ் பண்ணுவாங்க, அது நமக்கு உபயோகப்படாது, விட்டுரலாம். ;)]

தோசைக்கல்லு ரெடியானதும் ஒரு கரண்டி மாவை ஊத்துங்க. லேசா, பட்டும் படாம, தொட்டும் தொடாம, அந்த வட்டத்தை கொஞ்சமே கொஞ்சம் பெரிசு பண்ணிவுடுங்க, போதும்! அரை ஸ்பூன் எண்ணெய எடுத்து ஊத்தப்பத்தை சுத்திவர ஊத்திருங்க. இப்ப சிலநொடிகள் காத்திருங்க...
ஊத்தப்பத்தில மேஜிக் ஆரம்பிக்கும்! :o) அதாவது, ஊத்தப்பத்தில அங்கங்க சின்னச் சின்ன துவாரங்கள்:) உருவாகும். அப்ப, ஸ்பூனை மறுபடி எண்ணெய்க் கிண்ணத்தில ஒரு dip பண்ணிட்டு எடுத்து, ஊத்தப்பத் துளைகள்ல ஓரொரு சொட்டா எண்ணெய் விடுங்க. இன்ட்ரஸ்டிங்கா இருக்கும், செய்து பார்த்தா உங்களுக்கே புரியும்!  :))) 
100% எல்லா துவாரங்களையும் கவர் பண்ணனும்னு இல்லை..முடிஞ்சளவு கவர் பண்ணுங்க. அதுக்குள்ள, ஊத்தப்பம் ஒரு பக்கம் பொன்னிறம் ஆகியிருக்கும். திருப்பிப் போடுங்க..
 ஒரு சிலர், திருப்பிப் போட்டதும் ஆர்வம் தாங்காம,  ஊத்தப்பதை தோசை திருப்பியால அழுத்துவீங்க...நோ!! தட் இஸ் நாட் எ குட் ப்ராக்டீஸ்! ஊத்தப்பம் மொறுமொறுன்னு ஆகிரும், ஸோ..தொந்தரவு பண்ணாம விட்டிருங்க. சில நொடிகள்ல இருபுறமும் பொன்னிறமான ஊத்தப்பம் ரெடியாகிரும். ஊத்தாப்பத்த மூடி வச்சு சுடுவதா இருந்தா இந்த "திருப்பி போடற" ஸ்டெப் ஆப்ஷனல்தான். மூடி வைப்பதால் ஊத்தப்பத்தின் 2 பக்கமுமே கரெக்ட்டா வந்துரும், ச்சே,ச்சே, வெந்துரும்! ;) எடுத்து தட்டில வைச்சு, விருப்பமான சைட் டிஷ்களுடன் வெளுத்து வாங்கலாம். மெத் மெத் ஊத்தாப்பம் சூப்பரா இருக்கும்.
தமிழ் கூறும் நல்லுலகத்தில் யாரும் இப்படி ஒரு மொக்கை பதிவ எழுதியிருக்க மாட்டாங்க என்ற பெருமிதத்துடன்..
நன்றி, வணக்கம்!
:) 

19 comments:

  1. சூப்பர் மகி. முடியல என்னால.சிரிச்சதில வயிற்றுவலி வந்துவிட்டது.எப்படிங்க!!!
    கோவைகுசும்புதானே. நல்லா எழுதுறீங்க.
    //எண்ணெய்க் கிண்ணத்தில ஒரு dip பண்ணிட்டு எடுத்து, ஊத்தப்பத் துளைகள்ல ஓரொரு சொட்டா எண்ணெய் விடுங்க. இன்ட்ரஸ்டிங்கா இருக்கும், செய்து பார்த்தா உங்களுக்கே புரியும்! //:):) இது நான் தோசைவார்க்கும்போது செய்வதுண்டு.
    !// [ஊரில டீக்கடைகள்ல தென்னங்குச்சி துடைப்பம் வைச்சு மசாஜ் பண்ணுவாங்க, அது நமக்கு உபயோகப்படாது, விட்டுரலாம். //:)
    நகைச்சுவையாக நல்லதொரு குறிப்பு.நன்றி.

    ReplyDelete
  2. Its real perfect super Uthappam Mahi...
    **தமிழ் கூறும் நல்லுலகத்தில் யாரும் இப்படி ஒரு மொக்கை பதிவ எழுதியிருக்க மாட்டாங்க என்ற பெருமிதத்துடன்..***
    Ending was too catchy :P

    ReplyDelete
  3. ஊஊஊத்தப்பம்... நன்றி சகோதரி...

    ReplyDelete
  4. மகி ..பதிவு படித்து யாம் புளகாகிதமடைந்தோம் .
    என்னே ஆனந்தம் என்னே ஆனந்தம் ...

    தொடருங்கள் ....நாங்கள் அனைவரும் தொடர்கிறோம் ..

    ....ஆனாஉண்மையில் ஊத்தப்பம் சூப்பர் ...

    ReplyDelete
  5. ஆவ்வ்வ்வ் மீதான் 1ஸ்ட்டூஊஊஊஊஊஊஊ.... அதிராக்கு அடிச்சது யோகம்ம்....:)

    ReplyDelete
  6. கர்ர்ர்ர்ர்ர்ர்ர்ர்ர்ர்ர்ர்ர்ர்:).. தலைப்பை பார்த்ததும் நான் டக்கென வட்டிலப்பம் என ஓசிச்சிட்டேன்ன்... ஒரேஎ ஓட்டமா ஓடிவந்தேன்ன்.. அப்போ மனதில கற்பனை எல்லாம் ஓடிச்சுது.. ஈசியான முறையெனில் நாளை புதன்கிழமை வட்டிலப்பம் செய்யலாம் எண்டெல்லாம்ம்...

    இங்க வந்தா ஓசைப் படம்... அது ஊத்தப்பமாம்.. விடுங்கோ விடுங்கோ மீ தேம்ஸ்க்கே போயிடுறேன்ன்ன்:)..

    ReplyDelete
  7. //தமிழ் கூறும் நல்லுலகத்தில் யாரும் இப்படி ஒரு மொக்கை பதிவ எழுதியிருக்க மாட்டாங்க என்ற பெருமிதத்துடன்..
    நன்றி, வணக்கம்!
    :) //

    கர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்:)

    ReplyDelete
  8. எனக்கும் இப்படித்தான் கொஞ்சம் மெத்தென்று ஊற்றி,திருப்பிப்போட்டு சாப்பிடப் பிடிக்கும். மூன்றாவதாக உள்ள,துளைகளுள்ள தோசைப் படம் சூப்பர்.

    மொக்கைப் பதிவுகள்தானே பிடிக்கிறது.நேரம் போனதே தெரியவில்லை. ஊத்தப்பத்தை (பதிவை) நல்லா ஊத்திஊத்தி சுட்டிருக்கீங்க.

    ReplyDelete
  9. Super recipe. I do not like uoothappam. Even at restaurants I do not eat them at all. But your recipe looks very yummy. I will try this one day.

    ReplyDelete
  10. I always prefer oothappams's tha dosai..loved your post :)

    ReplyDelete
  11. ஊத்தப்பம் செய்து படத்தை போட்டு இப்படி பாடம் நடத்திய மகியை மிஞ்ச தமிழ் வலையுலகில் யாரும் இல்லை.ஹா ஹா!

    ReplyDelete
  12. Uuthappam seyveno illiyo neenga next post pannura varai intha padhivai padichu sirichukuven....super mahi...

    ReplyDelete

  13. வணக்கம்!

    மொக்கைப் பதிவென்றும்! தக்கைப் பதிவென்றும்!
    சக்கைப் பதிவென்றும் தந்தாலும்! - செக்காடி
    எண்ணெய் கொடுத்தாலும் ஏற்றுச் சுவைத்திடுவோம்
    பண்ணைத் தமிழைப் படித்து!

    கவிஞா் கி. பாரதிதாசன்
    தலைவா்: கம்பன் கழகம் பிரான்சு

    ReplyDelete
  14. யல்லாஹ்... முடியல... மஹி..சிரின்னு சிரின்னு சிரிச்சுத் தள்ளியாச்சு...

    /ஊத்தப்பம் சுடுவது எப்படினு ஒரு டுட்டோரியல் குடுத்தா எல்லாருக்கும் உபயோகமா இருக்குமேன்னு ஒரு ஞானோதயம் உருவாச்சு. / ரொம்ப நாள் கழிச்சு ரொம்ப அழகான, விறுவிறுப்பான, சமூக அக்கறையுள்ள ஒரு பதிவைப் படித்த திருப்தி... ஒவ்வொரு பாயிண்ட்டும் நச்...:)

    கவிஞர் அவர்களின்/மொக்கைப் பதிவென்றும்! தக்கைப் பதிவென்றும்!
    சக்கைப் பதிவென்றும் தந்தாலும்! - செக்காடி
    எண்ணெய் கொடுத்தாலும் ஏற்றுச் சுவைத்திடுவோம்
    பண்ணைத் தமிழைப் படித்து!/

    இதற்கு மேல் பாராட்ட ஒன்றுமே இல்ல மஹி...

    இப்படிக்கு உங்களுக்கு /என்றென்றும் ஆதரவு தரும் / என்றென்றும் பதினாறு (பானு).

    ReplyDelete
  15. Nice post,will helpful for beginners like me..hi hi!! b/w my son name is Rohit Mario..

    ReplyDelete
  16. Mahi, love your sense of humor dear, evalvu mokkaiana posta irundalum, padikka naan ready..

    ReplyDelete
  17. ..."பின்னங்கால் பிடறியில் பட, பல பேர் ஓட்டம் பிடிச்சாலும்"... he he heeeeee...

    "....தென்னங்குச்சி துடைப்பம் வைச்சு மசாஜ் பண்ணுவாங்க..." ----சொல்ல வந்தேன்...

    "...ஆர்வம் தாங்காம, ஊத்தப்பதை தோசை திருப்பியால அழுத்துவீங்க...நோ!! தட் இஸ் நாட் எ குட் ப்ராக்டீஸ்! ...."
    மகி உங்க பேஜ்-கு வந்தாலே lol பண்ணாம போகவே மாட்டேன்.

    ReplyDelete
  18. ரசித்துப் படித்துக் கருத்துக்கள் தந்த அன்புள்ளங்கள் அனைவருக்கும் மனமார்ந்த நன்றிகள்!

    உங்களது மேலான ஆதரவு கண்டு மெய் சிலிர்த்துப் போய் :) [நம்பாதீங்க..அடிக்கிற வெயில்ல மண்டை காஞ்சு போய் சுத்தறதத்தான் இம்புட்டு பாலீஷா;) சொல்றாங்க!! ஹிஹி...] அடுத்து இதை விட அருமையான(!)தொரு மொக்கைப் பதிவைத் தயாரித்துக் கொண்டிருக்கிறேன், நன்றி...வணக்கம்!
    :)))))))

    ReplyDelete

LinkWithin

Related Posts with Thumbnails