பருப்பு சட்னி

தேவையான பொருட்கள்
துவரம் பருப்பு - 1 ஸ்பூன்
உளுந்துப் பருப்பு - 1ஸ்பூன்
கடலைப் பருப்பு -1 ஸ்பூன்
காய்ந்த மிளகாய் - 5 (அ) காரத்திற்கேற்ப
வெங்காயம் - சிறிது
பூண்டு -2 பல்
தேங்காய்த் துருவல் - 3ஸ்பூன்
புளி - நெல்லிக்காயளவு
கறிவேப்பிலை
பெருங்காயத்தூள் - கால் ஸ்பூன்
எண்ணெய் - 2ஸ்பூன்
உப்பு

செய்முறை

கடாயில் எண்ணெய் காயவைத்து கறிவேப்பிலை, பெருங்காயத்தூள், பருப்பு வகைகளை சேர்த்து பொன்னிறமாக வறுக்கவும்.

வெங்காயம், பூண்டு ,காய்ந்த மிளகாய், கறிவேப்பிலை, புளி சேர்த்து வதக்கவும்.

இறுதியாக தேங்காய் சேர்த்து மிதமான தீயில் மூன்று நிமிடம் வதக்கி ஆறவைக்கவும்.

தேவையான உப்பு சேர்த்து கரகரப்பாக அரைத்தெடுக்கவும்.

பருப்பு சட்னி ரெடி..இது இட்லி-தோசை,சப்பாத்தி மற்றும் கலந்தசாத வகைகளுக்கும் பொருத்தமாய் இருக்கும்.