ஈஸி லட்டு

தேவையான பொருட்கள்
கடலை மாவு - 1 கப்
கோதுமை மாவு - 1/2 கப்
வெள்ளை ரவை - 1/4 கப்
சர்க்கரை - 1 1/4 கப்
நெய் - 3/4 கப்
திராட்சை & முந்திரி,பாதாம் - சிறிதளவு.
செய்முறை
கடாயில் ஒரு ஸ்பூன் நெய் ஊற்றி கோதுமை மாவையும்,ரவையையும் பொன்னிறமாக வறுத்துக் கொள்ளவும்.

அதே போல கடலை மாவையும் ஒரு ஸ்பூன் நெய்யில் வாசனை வரும் வரை வறுத்துக் கொள்ளவும்.
திராட்சை மற்றும் நட்ஸ் வகைகளையும் நெய்யில் பொன்னிறமாக வறுத்துக்கொள்ளவும்.ஒரு மைக்ரோவேவ் பாத்திரத்தில் வறுத்த மாவுகள்,சர்க்கரை,நெய் மற்றும் திராட்சை முந்திரியை சேர்த்துக் கலக்கவும்.

கலவையை மைக்ரோவேவில் நான்கு நிமிடம் வைக்கவும்.

கை பொறுக்கும் சூட்டிற்கு மாவுக்கலவை ஆறியதும், உருண்டைகளாகப் பிடித்து வைக்கவும். விரைவில் செய்யக்கூடிய ஈஸியான லட்டுக்கள் தயார்.