Wednesday, September 25, 2013

3 இன் 1 ஓட்ஸ் ரெசிப்பிகள்

ஓட்ஸ் எலுமிச்சை உப்மா,  ஓட்ஸ் தக்காளி உப்மா, ஓட்ஸ் தேங்காய் உப்மா
ஓட்ஸ் எலுமிச்சை உப்மா/ லெமன் ஓட்ஸ் 
தேவையான பொருட்கள்
ரோல்ட் ஓட்ஸ்-1கப்
தண்ணீர்-11/2கப்
எலுமிச்சை-1
வெங்காயம்-பாதி
பச்சைமிளகாய்-2
வரமிளகாய்-1
கறிவேப்பிலை- கொஞ்சம்
கடுகு-1/2டீஸ்பூன்
வேர்க்கடலை-1டேபிள்ஸ்பூன்
க.பருப்பு, உ.பருப்பு-தலா 1 டீஸ்பூன்
மஞ்சள்தூள்-1/4டீஸ்பூன்
சர்க்கரை-1/4டீஸ்பூன்
உப்பு
நல்லெண்ணெய்

செய்முறை
வெங்காயம், பச்சைமிளகாயை நறுக்கவும். வரமிளகாயை கிள்ளி வைக்கவும். 
ஓட்ஸை வெறும் கடாயில் வாசனை வர வறுத்து ஆறவைக்கவும். 
ஒண்ணரைகப் தண்ணீரை கொதிக்க வைத்து வறுத்த ஓட்ஸை சேர்த்து வேகவிடவும். ஓட்ஸ் சில நிமிடங்களில் வெந்துவிடும். [தண்ணீர் அதிகம் இருப்பதுபோல தோன்றினால் ஓட்ஸை வடிகட்டி எடுத்துக் கொள்ளவும், அடுத்த முறை செய்கையில் கவனமாக, குறைவாக தண்ணீர் கொதிக்கவைத்து ஓட்ஸை வேகவைக்கவும். :) ]
கடாயில் நல்லெண்ணெய் காயவைத்து கடுகு, க.பருப்பு, உ.பருப்பு தாளித்து, பருப்புகள் பொன்னிறமானதும் கறிவேப்பிலை, மஞ்சள்தூள், வெங்காயம், பச்சைமிளகாய், வரமிளகாய், உப்பு சேர்த்து வதக்கவும். 
வெங்காயம் வதங்கியதும் சர்க்கரை சேர்த்து கலந்துவிட்டு, வெந்த ஓட்ஸையும் சேர்க்கவும்.
தீயைக் குறைத்துக்கொண்டு ஓட்ஸ் நன்கு சூடானதும் எலுமிச்சம் பழத்தை பிழிந்துவிட்டு அடுப்பிலிருந்து இறக்கவும்.
சுவையான ஓட்ஸ் எலுமிச்சை உப்புமா, லெமண்ட் ஓட்ஸ் ரெடி. அவல் உப்புமா போலவே ருசி பிரமாதமாக இருக்கும். ஃபைனல் டச்- ஆக chia seeds-தூவி சாப்பிடலாம்.
~~~
ஓட்ஸ் தக்காளி உப்மா/டொமட்டோ ஓட்ஸ்  
தேவையான பொருட்கள் 
ரோல்ட் ஓட்ஸ்-1கப்
தண்ணீர்-11/2கப்
தக்காளி-2
வெங்காயம்-பாதி
பச்சைமிளகாய்-2
வரமிளகாய்-1
கறிவேப்பிலை- கொஞ்சம்
இஞ்சி-சிறுதுண்டு
பூண்டு -ஒரு சிறிய பல்
கடுகு-1/2டீஸ்பூன்
க.பருப்பு, உ.பருப்பு-தலா 1 டீஸ்பூன்
மஞ்சள்தூள்-1/4டீஸ்பூன்
சர்க்கரை-1/4டீஸ்பூன்
உப்பு
எண்ணெய்

செய்முறை
வெங்காயம், தக்காளி, பச்சைமிளகாயை நறுக்கவும். வரமிளகாயை கிள்ளி வைக்கவும். இஞ்சி-பூண்டைத் தட்டி வைக்கவும். 
ஓட்ஸை வெறும் கடாயில் வாசனை வர வறுத்து ஆறவைக்கவும். 
ஒண்ணரைகப் தண்ணீரை கொதிக்க வைத்து வறுத்த ஓட்ஸை சேர்த்து வேகவிடவும். ஓட்ஸ் சில நிமிடங்களில் வெந்துவிடும்.
கடாயில் எண்ணெய் காயவைத்து கடுகு, க.பருப்பு, உ.பருப்பு தாளித்து, பருப்புகள் பொன்னிறமானதும் நசுக்கிய இஞ்சி-பூண்டைச் சேர்த்து கிளறவும். 
கறிவேப்பிலை, மஞ்சள்தூள், வெங்காயம், பச்சைமிளகாய், வரமிளகாய், உப்பு சேர்த்து வதக்கவும். 
வெங்காயம் வதங்கியதும், தக்காளி சேர்த்து குழைய வதக்கவும். 
சர்க்கரை சேர்த்து கலந்துவிட்டு, வெந்த ஓட்ஸையும் சேர்க்கவும். தீயைக் குறைத்துக்கொண்டு ஓட்ஸ் நன்கு சூடானதும் உப்மாவை அடுப்பிலிருந்து இறக்கவும். 
சுவையான தக்காளி ஓட்ஸ் உப்புமா ரெடி.
~~~
ஓட்ஸ் தேங்காய் உப்மா/கோக்கனட் ஓட்ஸ் 
தேவையான பொருட்கள் 
ரோல்ட் ஓட்ஸ்-1கப்
தண்ணீர்-11/2கப்
வெங்காயம்-பாதி
பச்சைமிளகாய்-2
தேங்காய்த் துருவல்-2டேபிள்ஸ்பூன் 
கறிவேப்பிலை- கொஞ்சம்
கடுகு-1/2டீஸ்பூன்
க.பருப்பு, உ.பருப்பு-தலா 1 டீஸ்பூன்
மஞ்சள்தூள்-1/4டீஸ்பூன்
சர்க்கரை-1/4டீஸ்பூன்
உப்பு
எண்ணெய் (விரும்பினால் தேங்காயெண்ணெய் உபயோகிக்கலாம்)

செய்முறை
வெங்காயம், பச்சைமிளகாயை நறுக்கவும். வரமிளகாயை கிள்ளி வைக்கவும்.  
ஓட்ஸை வெறும் கடாயில் வாசனை வர வறுத்து ஆறவைக்கவும். 
ஒண்ணரைகப் தண்ணீரை கொதிக்க வைத்து வறுத்த ஓட்ஸை சேர்த்து வேகவிடவும். ஓட்ஸ் சில நிமிடங்களில் வெந்துவிடும்.
கடாயில் எண்ணெய் காயவைத்து கடுகு, க.பருப்பு, உ.பருப்பு தாளித்து, பருப்புகள் பொன்னிறமானதும் கறிவேப்பிலை, வெங்காயம், பச்சைமிளகாய், உப்பு சேர்த்து வதக்கவும். 
வெங்காயம் வதங்கியதும், சர்க்கரை சேர்த்து கலந்துவிட்டு, வெந்த ஓட்ஸையும் சேர்க்கவும். தீயைக் குறைத்துக்கொண்டு ஓட்ஸ் நன்கு சூடானதும் தேங்காய்த் துருவல் சேர்த்து கலந்து,  உப்மாவை அடுப்பிலிருந்து இறக்கவும். 
சுவையான தேங்காய் ஓட்ஸ் உப்புமா ரெடி.
~~~
இன்றைய இலவச இணைப்பு 
எனது இரண்டு ச்ச்ச்ச்ச்வீட் செல்லக் கரடிக் குட்டிகள்! 
:) 

15 comments:

  1. டயட் + ஹெல்த்தி ரெசிப்பி. நான் இதை அடிக்கடி செய்வதுண்டு., ஓட்ஸ் வென்பொங்கல், ஒட்ஸ் பிஸிபேளாபாத். செய்வதும் உண்டு. நல்ல ரெசிப்பி, மகி.

    ReplyDelete
  2. இப்போதெல்லாம்ம் காலையில் அநேகமாக ஓட்ஸ்தான் சாப்பிடப்பிடிக்கின்றது.நல்லதொரு ரெஸிப்பி மகி..நன்றிப்பா.

    ReplyDelete
  3. த்ரீ இன் ஒன் ரெசிப்பி அருமை.. chia seeds இப்பிடியெல்லாம் பயன்படுத்தலாமா.. இதுவரை சர்பத்ல போட்டுதான் பயன்படுத்தி இருக்கிறேன். வறுத்து போட்டீங்களோ மகி..ஆரோக்கியான ரெசிபி,சூப்பர்..!
    ஆஹா.. எவ்வளோ அழகா போஸ் கொடுக்கிறார் ஜீனோ..:) ஆமா..கரடி பொம்மை
    எப்பிடி இவ்வளோ புதுசா இருக்கு..இல்ல, எங்க ஸ்கூபி இப்படி பொம்மையை பார்த்தால் துவம்சம் பண்ணிவிடுவார். அதுகிட்ட இருந்து வீட்டு தோட்டத்தை காப்பாத்தறதே பெரிய வேலையா போச்சு..:)

    ReplyDelete
  4. மிக ஈசியான, சத்தான 3 இன் 1 குறிப்புகள் மகி.உடன் செய்யக்கூடியதா இருக்கு. பார்ரா ஜீனோவை.என்னா ஒரு சொகுசு,ஒரு பார்வை. இரண்டுபேருமே சோ.... ஸ்வீட்தான்.நன்றி மகி.

    ReplyDelete
  5. எனக்கு ரொம்ப ரொம்பப் பிடிக்குமே இந்த ஓட்ஸ்!.. இதில் என்ன செய்தாலும் எல்லாமே எனக்கு விருப்பமானதே..

    அதிகமாக என் இரவு உணவு ஓட்ஸ் கஞ்சி. தாராளமாக 1 பெரிய கப் ஓட்ஸ் கஞ்சி வயிறு நிறைக்கும்.
    சில சமயம் நாள் முழுவதையும் இதனோடே கழிப்பதும் உண்டு...;) அப்படி விருப்பமானது.

    புளியோதரை மிக்ஸ்ட் இருந்தால் வறுத்த ஓட்ஸினை நீர் தெளித்து மைக்ரோவில் சில நிமிடம் வைத்து எடுத்து சூட்டுடன் புளியோதரை மிக்ஸ்ட் சேர்த்துப் பிரட்டி அப்பளத்துடன் சாப்பிட்டுப் பாருங்க... சூப்பரா இருக்கும்...;)

    உங்க ரெஸிப்பி இப்படியே செய்வதுமுண்டு. அத்தனையும் அருமை..!
    பார்ரா.. ஜீவோவின் சொகுஸை...:). க்யூட் குட்டி...:)

    பகிர்வினுக்கு நன்றி மகி!..

    ReplyDelete
  6. ஆவ்வ்வ் விடுங்கோ விடுங்கோ என்னை விடுங்கோ எல்லோரும் பதிவுலகில் எங்கயோ போயிட்டினம் கர்ர்ர்ர்ர்ர்ர்:))... ஓட்ஸ்ல என்னவெல்லாம் பண்ணுறீங்க.. எனக்கும் இப்படியான ஐட்டம் செய்ய ஆசை ஆசை.. ஆனா வீட்டில சாப்பிட ஆள் வேணும்:) எல்லோ... :) நானே மட்ட்டும் சாப்பிட மினக்கெட்டுச் செய்ய மாட்டேன்ன்.. ஏதும் இங்கிலீசுப் ஃபூட் / ஃபாஸ்ட் ஃபூட் எனில்.. செய்து திரும்பமுன்.. பெரிய எலியிலிருந்து குட்டி எலிவரை.. நான் அடுப்பைப் பார்த்துக்கொண்டு நிற்கும்போதே.. பின்னால களவு போயிடும்:))

    ReplyDelete
  7. mixed rice varieties poi, mixed oats varieties, ellame super..

    ReplyDelete
  8. Super. But like atheese statement no one likes oats except me. My hus would not even come home for dinner.

    ReplyDelete
  9. அந்த மாமியைவிட இந்த மாமி கோஸியா இருக்காங்க‌போல.அமைதியோ அமைதி.வரப்போற குளிருக்கு இப்பவே இடம் பிடிச்சு, ரெடியாயிட்டாங்கபோல.இதுமாதிரியெல்லாம் வைத்து ரசித்துப் பார்க்க நல்ல மனம் வேண்டுமே மகி.எனக்கு சுட்டுப் போட்டாலும் வராது.

    வாங்கிய ஓட்ஸை கடகடனு காலி பண்ணுவதுபோல் தெரிகிறது.

    மூன்று உப்மாவுமே சூப்பரா இருக்கு.ஓட்ஸை வேகவைத்து செய்வது வித்தியாசமா இருக்கு.இதுவரை ஓட்ஸ் எலுமிச்சை செய்ததில்லை.சீக்கிரமே செய்துவிடலாம்.

    ReplyDelete
  10. ஐயோ இப்படி எல்லாம் செய்யலாமா நான் தினமும் காலையில் ஓட்ஸ் கஞ்சி குடிப்பேன்....இப்படி எல்லாம் பண்ண தெரியாதே இனி முயற்சிக்கணும்.....

    பகிர்வுக்கு நன்றி

    வாழ்த்துக்கள் மகி...!

    ReplyDelete
  11. வணக்கம் சகோதரி, இளமதி சகோதரியின் அறிமுகத்தால் தங்கள் வலைப்பக்கத்தில் நான். ஓட்ஸ்-ல் இவ்வளவு வெரைட்டி உணவுகள் சமைக்க முடியுமா! வியப்பாகத் தான் இருக்கிறது. தங்களது வலைப்பக்கமும் மற்றவர்களிடமிருந்து வேறுபட்டு இருப்பதை உணர முடிகிறது. தொடர்ந்து வருகை தருகிறேன் இனி. பகிர்வுக்கு நன்றீங்க சகோதரி..

    ReplyDelete
  12. @விஜி, நானும் வெண்பொங்கல், பிஸிபேளாபாத் செய்வேன், ஆனால் என்னவருக்கு அது ரெண்டுமே பரம எதிரிகள்! :) ;) அவருக்கு இப்படி உதிரியான உப்மா வகைகள்தான் பிடிக்கும், அதனால்தான் இப்படி! கருத்துக்கு நன்றிங்க!
    ~~
    @ஸாதிகாக்கா, ஓட்ஸில் கொஞ்சம் நம்மூர் டச்-ச சேர்த்துட்டம்னா சாப்பிட சுவையாவும் இருக்கு, உடல்நலத்துக்கும் நல்லதுதானே..அதான் இப்படியெல்லாம்! :) நன்றி அக்கா கருத்துக்கு!
    ~~
    @தனபாலன் சார், நன்றிங்க!
    ~~
    @ராதாராணி, //chia seeds இப்பிடியெல்லாம் பயன்படுத்தலாமா.. இதுவரை சர்பத்ல போட்டுதான் பயன்படுத்தி இருக்கிறேன். வறுத்து போட்டீங்களோ மகி..// வறுத்துப் போடலைங்க, கடையிலிருந்து வாங்கிவந்ததை அப்படியே உப்மா மேலே தூவி இருக்கோம்.

    சர்பத்-நு மட்டுமில்லை, சியா சீட்ஸ்-ஐ ஆம்லெட், சீரியல், ஜூஸ், மில்க்‌ஷேக் இப்படி எல்லாவற்றிலும் மேலே டாப்பிங்கா யூஸ் பண்ணலாம். எள்ளுருண்டைல சியாசீட்ஸ் மிக்ஸ் பண்ணி செய்யப்போறேன், செய்ததும் ரெசிப்பி தரேன், செய்து பாருங்க. :)

    //எங்க ஸ்கூபி இப்படி பொம்மையை பார்த்தால் துவம்சம் பண்ணிவிடுவார்.// அதுவா..ஸ்கூபி இன்னும் பேபி அல்லவா? அதனால துவம்சம் பண்ணறாரா இருக்கும். எங்காளு பெரியபையன்ல? :) ஜீனோவுக்கு அவனோட பொம்மைலதான் விளையாடணும் என்பது தெரியும்ங்க. இவையெல்லாம் முன்பே நான் வாங்கிவைத்திருந்த பொம்மைகள். ஸோ, இதையெல்லாம் ஐயா தொடமாட்டார். அவருக்குன்னு வாங்கிவந்து அவரிடம் கொடுக்கும் டாய்ஸ் மட்டுமே துவம்சம் செய்யப்படும். :))))
    தோட்டத்தில வாய்க்கெட்டினதை எல்லாம் கடிச்சு வைக்கிறதும் அப்பப்ப இங்க நடக்கும். ;)
    கருத்துக்கு நன்றிகள்!
    ~~
    @அம்முலு, //பார்ரா ஜீனோவை.என்னா ஒரு சொகுசு,ஒரு பார்வை. // :) பாவம்ங்க அவன்! என் மடில படுத்திருந்தான், இறக்கிவிட்டுட்டு நான் கிச்சனுக்குப் போயிட்டேனா...அதனால ஐயா அங்க போய் படுத்துகிட்டார். அவர் ஒரு சுகவாசி! ;)
    உப்மாக்கள் செய்து பாருங்க அம்முலு, நன்றி!
    ~~
    @இளமதி, ஓட்ஸ் அவ்வளவு பிரியமா உங்களுக்கு? அப்ப தினம் ஒரு வகையா செய்து சாப்பிடுங்க. நான் இன்னும் ஓட்ஸ் கஞ்சி செய்ததில்லை. மோர் சேர்ப்பீங்களோ? செய்துபார்க்கணும் ஒருமுறை!

    புளியோதரை மிக்ஸ்தானே? ஊரிலிருந்து வாங்கிவந்து அப்படியே ஃப்ரீசர்ல போட்டிருக்கேனே, ஐடியாக்கு தாங்க்ஸ்! விரைவில் செய்துபார்த்துச் சொல்கிறேன். :)

    ஜீனோப்பிள்ளை பாவம், நான் திடீருன்னு இறக்கிவிட்டதும் ஏமாந்து போய் கரடிகிட்ட போயிட்டார்! அவ்வளவே, சொகுஸெல்லாம் இல்லீங்கோ! :)

    வருகைக்கும் கருதுத்க்கும் நன்றிகள் இளமதி!
    ~~
    @ அதிராவ், //என்னை விடுங்கோ எல்லோரும் பதிவுலகில் எங்கயோ போயிட்டினம் கர்ர்ர்ர்ர்ர்ர்:))... // எங்கயோ....???? எங்க போயிட்டினம்?? இங்கயேதான் இருக்கினம்! கர்ர்ர்ர்ர்ர் எல்லாம் வேணாம், வாபஸ் வாங்குங்கோ! :)))

    //நானே மட்ட்டும் சாப்பிட மினக்கெட்டுச் செய்ய மாட்டேன்ன்.. // அது சரிதான்! ஆனா ஒரு முறை கொஞ்சமாச் செய்து சுவை மட்டும் பார்க்க வைங்க, பிறகு அவங்களே கேட்பாங்க செய்து தரச்ச்சொல்லி! :) ச்ச்ச்சும்மா அரைக்கப் ரோல்ட் ஓட்ஸ் எடுத்துச் செய்யுங்களேன்! ஹெல்த்தி உணவு எல்லாருக்கும் நல்லதுதானே!
    நன்றி அதிராவ்!

    பின்னூசி;)க் குறிப்பு: நீங்க ஜீனோ படத்தைக் கவனிக்கேல்லயாம், அவர் கோவிச்சுகிட்டதா உங்கள்ட்ட சொல்லச் சொன்னவர்! ;)
    ~~
    @ஹேமா, ஆமாங்க! அரிசிக்கு பதிலா ஓட்ஸ்!! :) கருத்துக்கு நன்றி!
    ~~
    @வானதி, //My hus would not even come home for dinner.// ஹாஹாஹா! :))) நல்ல கதையா இருக்கே! :) நீங்க ப்ரேக்ஃபாஸ்ட்டுக்கு பண்ணி கொடுங்க, அப்ப என்ன பண்ணறார்னு பார்க்கலாம்! ;) ஜஸ்ட் கிடிங்! :)
    இங்கே கொடுத்திருப்பது எல்லாமே 2 ஆட்களுக்கான அளவு, அதிலே பாதியக் கட் பண்ணிட்டு நீங்க மட்டும் செய்து சாப்பிடுங்க வானதி!
    கருத்துக்கு நன்றிகள்!
    ~~

    ReplyDelete
  13. @சித்ராக்கா, //அந்த மாமியைவிட இந்த மாமி கோஸியா இருக்காங்க‌போல.// கோஸி- என்பதை விட இந்த mommy தடார்னு இறக்கிவிட்டுட்டு எந்திரிச்சுப் போகமாட்டாங்க என்பதே காரணம்! :) இப்ப அடிக்கடி இப்படி நடக்கிறது. ஆளைக்காணோம் என வீடு பூரா தேடிட்டு, தொண்டைகிழியக் கத்திய பிறகு, கரடிபக்கத்தில் ஆழ்ந்த தூக்கத்தில் இருந்து எழுந்து திருதிருன்னு முழிப்பார் ஐயா! ஒரே காமெடிதான் போங்க! :)

    //வாங்கிய ஓட்ஸை கடகடனு காலி பண்ணுவதுபோல் தெரிகிறது.// இல்லையே!! காலி பண்ணுவதற்காகவே அல்லவா வாங்கறோம்! :))))

    //ஓட்ஸை வேகவைத்து செய்வது வித்தியாசமா இருக்கு.// ஸ்ப்ரவுட்ஸின் ரோல்ட் ஓட்ஸை வறுத்து, அளவாத் தண்ணீர் கொதிக்கவைத்து வேகவைத்தா அவல் மாதிரியெ உதிரியா வருது. டிரை பண்ணிப் பாருங்க.

    வருகைக்கும் கருதுத்க்கும் நன்றி அக்கா!
    ~~
    @சீராளன், அடுத்த முறை இப்படி செய்துபாருங்க ஓட்ஸை! பிறகு ஓட்ஸில் பலவகைகள் நீங்களும் செய்ய ஆரம்பிச்சிருவீங்க. :)
    முதல் வருகைக்கும், கருத்துக்கும் மனமார்ந்த நன்றிங்க!
    ~~
    @பாண்டியன், உங்க கருத்தைப் பார்த்து ரொம்ப மகிழ்ச்சி! :) தோழி இளமதி அவர்களின் அறிமுகத்தினால் என் தளமும் அதிகப் பார்வையாளர்களைப் பெறுகிறது என்பது இன்னும் கொஞ்சம் மகிழ்ச்சி! நன்றிங்க! :)
    ~~
    @ஆசியா அக்கா, நன்றி!
    ~~

    ReplyDelete

LinkWithin

Related Posts with Thumbnails