மொத்தமாக கவனம் செலுத்தி கண்ணும் கருத்துமாகப் பார்த்துக்கொண்ட முதல் பிள்ளைகள் இரண்டாம், மூன்றாம் பிள்ளைகள் வந்த பின்னர், கவனிப்புக் குறைய கொஞ்சம் ஏங்கிப் போய்விடுவார்கள்.. அந்த சவலைப்பிள்ளைகள் போல என் வலைப்பூக்களும், தோட்டமும் (ஏன் ஜீனோ-வும் கூடத்தான்!) கவனிப்பு குறைந்து என் முழுக்கவனமும் லயா-வின் பின்னால் சென்றுகொண்டிருக்கிறது! :)..I miss my blog! avvvv....
முதல் புகைப்படத்தில் பூத்துச் சிரித்தாலும் செடிகள் கொஞ்சம் சுணங்கித்தான் போயிருக்கின்றன. புதினா மிகவும் ஸ்ட்ராங்க்-ஆன செடி என்பதால் தாக்குப் பிடித்துக்கொள்கிறது. முதல் ஒரு முறை பார்க்கையில் புதினாவில் பூ வந்தது போன்ற தோற்றத்தில் பச்சைநிறத்தில் "ஏதோ ஒன்று" இருந்தது..
பூவாக இருக்குமோ என்ற சந்தேகத்தில் படமெடுத்தும் வைத்துவிட்டு ஒரு வாரம் வட அமெரிக்காவின் கிழக்குமூலைக்குச் சென்றுவந்தோம்.
Tampa Aquarium-ல் மீன்களைப் பார்க்கும் என் தங்க மீனுக்குட்டி! :)
திரும்பி வந்த போது புதினாவில் பசுமையாக இருந்த பூக்கள் வெள்ளைப் பூக்களாகிவிட்டிருந்தன. முதல் முறையாகப் புதினாப் பூக்களைப் பார்த்ததில் எனக்கு மிக மகிழ்ச்சி. விதைகள் வருமா என காத்திருக்காமல் அவசரக்குடுக்கையாகப் பூத்திருந்த தண்டுகளைக் கிள்ளி சமைத்துவிட்டேன். அவ்வ்வ்வ்!!
இது போன வருடம் டாலர் ஷாப்-ல் வாங்கி வந்த மிளகாய்ச் செடி. திடமாக நின்று ஒன்றிரண்டு காய்கள் காய்த்துக்கொண்டிருக்கிறது. காய் குறைவு என்றாலும் நல்ல குண்ண்ண்ண்டு மிளகாய்களாகக் காய்க்கும். ;) ஊருக்குப் போகையில் எல்லாம் பச்சையாக இருந்தார்கள்..வந்து பார்க்கையில் இருவர் "வெயிலில் தண்ணி இல்லாம எங்களை விட்டுவிட்டுப் போய்விட்டாயே" என்ற கோபத்தில் சிவந்து போயிருந்தார்கள். எல்லா மிளகாய்களையும் பறித்தாச்சு..
ஊருக்குப் போகையில் அமைதியாக இருந்த ரோசாப்பெண்..வந்த போது பூக்களாகப் பூத்து வரவேற்பு அளித்தார். :)
என் குட்டிப்பெண் வளர்ந்துட்டே இருக்காங்க..
நாட்கள் மின்னல் வேகத்தில் ஓடுகின்றன..விரைவில் லயமும் ஓட ஆரம்பிப்பாங்க, அவங்க பின்னால் நானும் ஓடுவேன். அப்போதும் அவ்வப்போது இங்கே எட்டிப்பார்க்க காலம் அனுமதிக்கவேண்டும். ;) :)
ஓவராக மொக்கை போட்டாச்..பிராயச்சித்தமாக ஒரு ஆப்பிள் பை(Apple Pie from Denny's), கடைல வாங்கினதுதான்..தகிரியமாச் சாப்புடுங்க..டாங்ஸூ! ;)
