ஈஸ்டர் - ஏசு பிரான் உயிர்தெழுந்த திருநாள். இங்கே ஈஸ்டருக்கு "எக் ஹண்ட்" மிக பிரபலம். "முட்டை" உயிர்த்தெழுதலின் அடையாளமாகக் கொள்ளப்படுகிறது. ப்ளாஸ்டிக் முட்டைகளுக்குள் குழந்தைகளுக்குப் பிடித்தமான தின்பண்டங்கள், சிறு பொம்மைகளை வைத்து ஆங்காங்கே ஒளித்து வைக்கப்படுகிறது. குழந்தைகள் கூடைகளுடன் சென்று முட்டைகளைச் சேகரிப்பார்கள். பொதுவாக சாக்லேட் அதிகளவு உபயோகிக்கப்படுகிறது. முட்டைவடிவிலேயே சாக்லெட்ஸ் தயாரித்து விற்கிறார்கள், அல்லது ப்ளாஸ்டிக் முட்டைகளுக்குள் அவை வைக்கப்படுகின்றன. மேலும் தகவலறிய இங்கே கைய வைங்க! :)
எங்க வீட்டு குட்டிப்பெண்ணுக்கு இந்த சர்ப்ரைஸ் எக்'ஸ் மிகப் பிடிக்கும் என்பதால், இந்த வருஷம் ஈஸ்டர் எக் ஹண்ட்-க்கு போகலாம் என்று நினைத்திருந்த நேரத்தில், பக்கத்தில் ஒரு எக் ஹண்ட் நடப்பது தெரியவர, நாங்களும் முட்டைகளைத் தயார் செய்துகொண்டு, முட்டை வேட்டைக்கு போய்வந்தோம். குழந்தைகளுக்கு ஏதேனும் ஒவ்வாமை இருக்கும் பட்சத்தில் உணவுப்பொருட்கள் பிரச்சனையாகும் என்பதால் உணவுப்பொருட்களை ஸ்டஃப் செய்யவேண்டாம் என சொல்லியிருந்தார்கள். இணையத்தை நாடியதில், உணவுப்பொருட்கள் அல்லாத சிறு பொருட்கள் பற்றி ஒரு ஐடியா கிடைத்தது.
ஒவ்வொரு முட்டையினுள்ளும் 2-3 குட்டிப் பொருட்களை நிறைத்து முட்டைகள் தயார்.
அருகே உள்ள ஒரு பூங்காவிற்கு சென்றோம். ஏழெட்டு குழந்தைகள், அனைவர் வீட்டிலிருந்தும் இப்படியான சர்ப்ரைஸ் முட்டைகளைக் கொணர்ந்து பூங்காவினுள்ளே ஒளித்து வைத்தாயிற்று. [ஒளிப்பதுன்னா, ரொம்பவெல்லாம் ஒளிக்கிறதில்லைங்க, குழந்தைங்க கண்டுபுடிக்கிற மாதிரி சும்மானாச்சுக்கு ஒளிச்சு வைச்சாச்சு.] எல்லாக் குட்டீஸும் வந்து, முட்டைகள் ஒளிக்கப்பட்டதும் துவங்கியது முட்டை வேட்டை!! :)))
லயாவும் நானுமாகச் சேர்ந்து கொஞ்சம் முட்டைகள் சேகரித்தோம். அதிலொன்று "தங்க முட்டை" :))) அது என்ன ஸ்பெஷல்னு கடைசில சொல்றேன்.
முட்டை வேட்டை முடிந்ததும் ஒரு சிறப்பு விருந்தினர் வந்தார். பெயர் Mr. Muffin !! நாலே மாதங்களான குட்டி முயலார்!!
அந்த தங்க முட்டை விவகாரம்...!! :) ஸ்பெஷலாக 3 தங்க முட்டைகளை நிகழ்ச்சியை நடத்தியவர்கள் ஒளித்திருந்தார்கள். அதைக் கண்டுபிடித்தவர்களுக்கு ஒரு கிஃப்ட் கார்ட் கிடைத்தது. வரும் வழியில் காப்பியை வாங்கி குடித்துவிட்டு வீடு வந்து சேர்ந்தோம்.
பலூன்கள், சிறிய ரப்பர் முயல், டாட்டூ, ஜெல்லி பீன்ஸ் என இருந்தன. :))) மொத்தத்தில் நல்லதொரு அனுபவம். ;) :)
